—Sukád sa pagtulis ni Balat sa lungsod, waáa ako mahanumdom ug gabii nga sama— mitubág si Hermana Puté.
—Kadaghang butóbutó! Ginaingon nga mao ang mga kau- ban ni Pablo-tigulang.
—Mga tulisán diáy? Dili mahimo! Ginaingon hinuon nga ma6 ang mga kuwadrilyero batok sa mga sibil, busa gidakop si Don Filipo.
—Sanctu DeusGinaingon nga magkadiyutay-diyutay may napulog-upat gayud nga patay.
Nag-anam kabukas ang ubang mga tamboanan, ug didto lain na usab ang mga tawo nga nanambo, naghatagay ug katahuran ug nanagsulti-sulti bahin sa nahitabo sa miaging gabii.
Sa kahayag sa kabuntagon, nga nagdalag mga tilimad-on nga niadtong adlawa dili magaulan, nalantaw sa layo ang mga sibil nga nag-utas balikbalik, lugos lamang maila daw mga anino.
—Atua na usay laing minatay?— matud sa usa ka tawo nga nanambo.
—Usa da? Duha ang akong nakita.
—Ug ako . . . apan, ambi ako sa wala kamo masayud kon unsay nahitabo kagabii!— matud sa usa ka tawo nga may panagway sa mabugalbugalon.
—Mga kuwadrilyero ugod kadto!
—Dili; ang mga sibil hinuon nga nanukol sa ilang mga punoan!
—Ang mga sibil nanukol? Ang kura hinuon ug ang Alferez nga nanag-away!
—Nianang tanan walay usa nga matuod— matud sa unang nangutana;— ang nahitabo mao nga ang mga Insik nangalsa.
Ug gitakpan pagbalik ang iyang tamboanan.
—Ang mga Insik!— nanabat ang tanan nga nanghingangha.
—Bantug da kay walay usa kanila nga napakita karon!
—Nangamatay tingali silang tanan.
—Daan pa gayud akong may himatikdan nga aduna silay dautan nga buhaton. Kagahapon...
—Natag-an ko na kanang daan. Kagabii lamang...
— 467 —
