—Kaanugon!— matud ni Hermana Rufa— kaanugon nga nangamatay silang tanan sa wala pa ang Pasko, nga maoy ipanghatag nila sa ilang mga gasa... Gihulat unta kadto nila ang Bag-ong Tuig...
Sa hinayhinay, ang dalan nag-anam kasadya: ang unang nanggula mao ang mga ir6, mga manok, mga baboy ug mga pati; human niini, misunod ang pipila ka mga bata nga bulingot ug nagkagidlay, nanagkuptanay sa bukton ug nagpanagana pagduol ngadto sa kuwartel; unya misunod usab ang pipila ka tigulang babaye nga nanagbugkos ug panyo sa ulo ug binaliktos sa ilalum sa sulang, nanagbitbit dagkung mga rosaryohan, nagpulopangadye aron dili santaon sa mga sundalo. Dihang nakita na nga mahimo diay paggula sa dalan nga dili luthangon, nangguho pagsugod ang mga lalaki, nanaghinay paglakat nga naminaklid aron ingnon nga wala silay tinguha sa pagkasayud sa nahitabo sa miaging gabii. Sa sinugdan, ang ilang lakatlakat diha da himoa tungud sa ilang balay, naghulohapyod sa manok; unya gisulayan nila pag-irog-irog sa unahan, maghunonghunong usahay, hangtud nga sa nadugay na nangabut na gayud sila sa atbang sa tribunal.
Sa gidangtan nag napulog-lima ka gutlo, lain na usang mga balita ang nadungog. Si Ibarra, uban sa iyang mga suluguon, buut unta kono mokawat kang Maria Clara, ug kini gipanalipdan ni Kapitan Tiyago ug gihinabangan sa Guardia. Civil.
Ang gidaghanon sa mga patay dili na napulog-upat kon dili katloan; si Kapitan Tiyago samaran ug niadtong adlawa mogikan dayon uban sa iyang banay padulong sa Manila.
Nakapakugmat kaayo sa mga tawo ang pag-abut sa duha ka kuwadrilyero nga nanagyayong usa ka butang may panagway sa tawo linuwan sa usa ka langkapan, sinunod ug usa ka sibil. Hisayran dayon nga gikan sila sa kombinto; tungud sa hitsura sa mga till nga nanagbitay, may usa ka tawong mibanabana kinsa kadtong giyayongan; sa layolayo gitino na nga maó gayud kadtong tawhana; sa unahan, ang gidaghanon sa mga minatay napilo na ug nahimong tutulo sama sa katingalahan sa Santisima Trinidad; unya nahitabo pag-usab ang katingalahan nga gihimo ni Hesukristo sa pipila ka buok mga pan ug isda, ug ang gidaghanon sa mga patay nahimo nang katloag-walo.
