—Ayaw pag-adto!— gisinggitan siya ni Hermana Pute ug gigunitan sa sinina;— hitaboan ikaw ug kadaut! Naghikog siya? Na, pasagdi lamang!
—Pasagdi ako nga motan-aw kaniya, Pute; lakaw, Juan, ipahibalo didto sa tribunal; tingali buhi pa kana.
Ug miadto siya sa lagwerta nunot ang binatonang babaye nga nagpaluyo kaniya; ang mga babaye ug si Hermana Pute nangnunot usab puno sa kahadlok ug sa kahinam sa pagtanaw.
—Atua siya, senyor— matud sa binatonan nga mihunong ug mitudlo.
Ang panon mihunong sa layo-layo ug ilang gipasagdan nga rniduol ang tigulang.
Usa ka lawas sa tawo nga nagabitay sa sanga sa usa ka pu noang santol nagtabyogtabyog hinuyop sa hinuyuhoy sa hangin. Gisud-ong ug taudtaud sa tigulang; nakita niya kadtong mga tiil ug mga bukton nga nangiwi, ang saput nga nagkabulingit ug ang ulo nga nagdungilo.
—Kinahanglan dili ta kana pagtandugon hangtud sa pagabut sa mga punoan— miingon ang tigulang sa kusog nga tingog;— migahi na siya; dugay na kanang namatay.
Ang mga babaye mihinayhinay pagpanuol.
—Mao man kana ang silingan nga nagapuyo niadtong gamayng balay, kadtong miabut ngani may duha na ka semana karon; tan-awa ninyo ang ulat sa iyang nawong.
—Avemaria— matud sa pipila ka babaye.
—Pangadyean ta ang iyang kalag!— misakna ang usa ka dalaga tapus niya tan-awa pag-ayo ang minatay.
—Hungog, irihisl— gibadlong siya ni Hermana Pute—> wala ba ikaw masayud sa gisulti ni pari Damaso? Ang pagpangadye pahanungod sa kalag sa usa ka kondinado maoy usa ka paghagit kang Bathala; ang maghikog mahiambak gayud sa ispidno. busa dili siya ilubong sa yuta nga sagrado.
Ug unya misumpay pa gayud:
—Daan pa lag! ak6 nga kanang tawhana dautan gayud ug sangputanan; wala gayud nako masusi unsay iyang pangita.
—Makaduhi ko siya hikit-i nga nakigsulti sa sakristan ma yor— matud sa usa ka dalaga.
-471 -
