pinugngan ang gininhawa, nagaihap sa mga hampak sa latus
ug sa mga agulo nga iyang nabati. Kadtong dalaga mao ang
igsuon ni Tarsilo.
Sa hawanan nagpadayon ang talan-awon: ang alaut, nga nahunlos na sa kasakit, nahilum ug nagpaabut nga kapuyan ang iyang mga bcrdugo. Sa katapusan, ang sundalo gikutasan ug mihunong sa iyang buhat; ang Alferez nga naluspad sa kasuko ug kahingangha, misinyas nga badbaran ang gigaid.
Dinhi, si Donya Consolacion mitindog ug mihunghong pipila ka pulong sa iyang bana. Kini miyango timaan nga mtangdo.
—Itunton siya sa atabay!— matud sa Alferez.
Ang mga Pilipinhon nasayud kaayo sa kahulogan niining mga pulonga: sa tinagalog hubaron kana sa pulong timbain. Wala kami masayud kinsay nagmugna niining paagiha, apan gibanabana namq nga dagway kini karaan na kaayo. Kadtong giingon sa kinatsila nga la verdad saliendo de un pozo, kaha maoy hubad niini nga gipaagi lamang sa biaybiay.
Sa taliwala sa patyo sa tribunal atua mahamutang ang maanindot nga tuong sa usa ka atabay nga binuhat sa mga batong buhi nga gitapun-og lamang. Usa ka bulos kawayan nga gibabag sa itaas sama sa timbangan, maoy gihiktan sa timba nga ikabo sa tubig sa atabay nga mahugaw, mapilitpilit ug mabaho. Mga baldeng buslot, mga sagbut ug uban pang mga duga nga mahugaw nanagtigum didto, kay kadtong atabaya sama man sa atub: adto didto mahan-ok ang tanan nga isalikway kun dili na tnagapulos sa katilingban. Butáng mahulog niadtong atabay, bisan unsa kaayo, mausik na gayud. Bisan pa, kadtong atabaya wala gayud bunboni: usahay ang mga binilanggo silotan sa pagpakalot ug pagpalawom kaniya, dili tungud kay niadtong silota adunay kapuslanan nga makuha, kon dili tungud sa mga kalisud nga igahibalag sa magakalot didto sa ilalum: ang binilanggo nga mahilusad didto makausa, makasakop dayon ug hilanat, ug niining sakita makuli na siyang maluwas.
Si Tarsilo nagasud-ong sa tanan nga ginahikay sa mga sundalo; luspad siya kaayo ug ang iyang mga ngabi! nagakurog, ambut sa kakulba ba kun tungud ba kay nangadye siya. Ang iyang kamapahitas-on taliwala niadtong mga kagul-anan nga dili
