nga si Antonio; si Kapitana Maria nga malig-og kasingkasing
mitan-aw ngadto sa rihas luyo diin atua ang iyang mga anak nga
kaluha, bugtong niyang mga anak.
Atua usab ang ugangan sa mangangapon sa lubi; wala siya magahilak: nagsuroysuroy, nagwaldaswaldas sa iyang mga button nga linulhoan sa sinina ug nagatambag sa kadaghanan.
—Nakakita ba kamog sama niini? Gidakop intawon ang pinalangga kong Andong, giluthang, gibalhog sa sipo ug dad-on sa kaulohan tungud lamang kay... Tungud kay nagsul-ob ug kalsonis nga bag-o? Kining buhata kinahanglan silotan gayud! Ang mga sibil nagpatuyang na lamang! Ipanumpa ko nga kon makakita ngani ako pag-usab sa usa kanila nga mangitag dapit nga hilit sa akong lagwirta, sama sa kadaghan na mahitabo, abisan, abisan ko gayud sa... kon dili... ako ba hinuon ang paabis!
Apan diriyot da ang miduyog niadtong babayhana.
—Niining tanan, si Don Crisostomo maoy sad-an— matud sa usa ka babaye nga nanghupaw.
Ang magtutudlo nagsuroysuroy usab didto tipon sa kadaghanan; si Nyor Juan wala sa magsamot kusokuso sa iyang mga kamot, wala na magdala sa iyang tonton ni sa metrosan: nagasulob siya ug mga saput nga lubus maitum kay nakadungog dautang mga balita, ug sanglit nabatasan niya ang pag-isip nga nanghitabo na niadtong mga butang umaabut pa, ¡nagbangutan na siyang daan tungud sa kamatayon ni Ibarra.
Sa pagka a las dos sa hapon, usa ka karromatang walay atopatop ginuyod sa duha ka buok baka, mihunong tungod sa tribunal.
Gilibutan dayon sa mga tawo kadtong karromata nga buut unta nila tangtangan ug gub-on.
—A yaw kana ninyo pagbuhata— matud ni Kapitana Maria;— buut ba kamo nga manglakaw lamang sila?
Kini nakapugong sa mga tagtungod. Kaluhaan ka stindalo nanggula ug giliyokan nila ang salakyanan. Nanggula ang mga dinakpan.
Ang nag-una ma6 si Don Filipo, nga gigapus; miyukbo nga nagapahiyum sa iyang asawa; si Doray miminatay ug duha ka sundalo naglisud pagsanta kaniya nga buut gayud unta mogakus sa iyang bana. Si Antonio, ang anak ni Kapitana Tinay, migula nga nagahilak sama sa bata, ug kini nakadugang sa mga singgit
