kaniya. Karón walá na siyáy yutang-natawhan, walá nay pani- maláy, walá nay gugma, walá nay mga higala ug walá nay kaug- maon!
Sukád sa usa ka bungtod, usá ka tawo nagalantaw sa masu- lub-ong panón sa mga dinakpan. Maóy usa ka tigulang maluspad, namiyahok ang nawong, nagakupo usa ka habol nga dilana ug nagasungkod. Maó kadto si pilósopo Tasyo nga sa pagkasayud sa balita mibangon sa iyang higdaanan ug buút unta moadto sa tribunal, apan wala na makagahum pag-abút hangtud sa dapit nga buut unta niyá adtuon. Ginuntan pagtan-aw sa tigulang ang karromata nga giluwanan sa mga dinakpan, hangtud nga hitagiwad-an na niya didto sa layó: midukó ug mihinuktok siyá sulod sa pipilá ka gutlo, unya mitindog ug mihinayhinay pagpauli sa iyang baláy. apan nagsamot pahulay sa dalan.
Sa pagkaugma, didto sa iyang tugkaran gihibalag sa mga magbalantay sa hayopan ang lawas nga patáy ni pilósopo Tasyo.
— 489 —
