ka nawong pinintalan sa maitum, ug ang pikas puno sa mga
langgam ug mga bulak nga masiga sama sa bulawan.
Sulod sa mga kombinto ang mga prayle nagkaguliyang. May mga salakyanan nga gisangunan, ang mga provincial¹ nanagkita ug nanagsultihay sa tago. Mangadto sila sa mga palasyo aron paghagad sa ilang hinabang sa “Kagamhanan nga nagaungaw daku uyamut nga kadaut.” Gihisgotan na usab pagbalik ang mga komita, mga pasumbingay, mga timulpokan sa alpiler, ubp.
—Usa ka Te Deum, usa ka Te Deum!— matud sa usa ka prayle sa usa ka kombinto;— mining higayon karon, nga walay usang makulang sa koro! Dili diyutayng kaayo ni Bathala, labi na gayud mining panahon sa mga makasasala, ang pagpakita karon sa kadaku sa bili natong mga prayle!
—Niining higayona karon dagway nagpangitlib sa ngabil kanang holohiniral nga si Mal-Agūero— mitubag ang laing pray le.
—Unsa kaha untay midangat kaniya kon wala pa ang atong mga Corporacionel
—Ug aron pagsaulog pag-ayo sa pangilin, pahibaluon ang Hermano nga manluluto ug ang procurador... Kombira nga magtuasik sulod sa tulo ka adlaw!
—Amen! Amen! Mabuhi si pari Salvi! Mabuhi!
Sa usa ka kombinto lain ang ginasultihan.
—Nakita mo? Kana maoy usa ka tinon-an sa mga heswitas; sa Ateneo anha gayud manggula ang mga pilibustero! — matud sa usa ka praylc.
—Ug ang mga kaaway sa atong Tinuhoan.
—Daan na akong miingon nga ang mga heswitas makadaut gayud sa lungsod, makapaturok ug dautang mga hunahuna sa mga batan-on; apan gipasagdan lamang sila kay managbiris-biris man ug mga badlis sa papel kon maglinog . . .
—Ambót lamang usab kaha kon giunsa kana nila pagbuhat!
—Oo, supaka tuod sila! Kon ang tanan matay-og ug molihok na, kinsa pa kahay makatultol pagbiris-biris ug pagbadlis sa papel! Aw, si pari Seechi diay...
Ug unya mopahiyum siya nga mabiaybiayon uyamut.
(1) Labawng punoen >a mga prayle — P. sa Taghubad.
