—Ikaw sayud na sa balita nga may nangalsa..
—Alzamenium Ibarrae ab alferesio Guardiae civilis destructurn? Et nune? Kay ngano man? Utangan ba kaninyo si Don Crisostomo?
—Dili, apan nahibalo ka, siya gidapit ni Tinong ug paniudto, gihatagan niyag katahuran didto sa Puente Epana. .. adlaw nga dakul Ingnon unya nga si Ibarra higala niya!
—Higala?— misuna si Don Primitive nga nahibulong ug mitindog;— amice, amicus Plato ed magis arnica veritas³ Ingna ako kinsay imong kuyogkuyog kay isulti ko kinsa ikaw! Malun est negotium et est timendum rerum istarum horrendissimum resultatum! Hmn!
Si Kapitan Tinong naluspad uyamut sa pagkadungog niadtong daghang mga pulong may katapusang um; alang kaniya, kining um dautan nga tilimad-on. Gihugpong sa dughan ang mga kamot ni Kapitana Tinchang ug miingon nga daw nagpakiluoy:
—Primo, ayaw kami pagsultihi ug linatin karon; sayud ka na nga kami dili intawon mga pilosopo sama kanimo; sultihi kamig tinagalog kun kinatsila ba, apan tambagi kami.
—Kaanugon, prima, nga kamo dili makasabut sa linatin; ang mga butang matuod sa linatin, bakak sa tinagalog. Pananglitan: contra principia negantem fustibus est arguendum? sa linatin kining mga sultiha maoy usa ka matuod nga samag gidag-on sa Arca ni Noe; apan makausa niana gisulayan ko kana paghimo sa tinagalog ug ak hinuon ang giligid ug bunal. Busa anugon kaayo nga kamo dili maantigong molinatin; pinaagi sa linatin mahimo ta unta paghusay kining tanan mong nalisdan karon.
—Kami usab maantigo ug daghang mga oremu, parcenobi ug Agnus Dei Catolis, apan karon dagway dili kita magkasinabut. Tudloi intawon si Tinong ug usa nianang imong mga argumento aron dili siya bitayon!
—Dautan, dautan uyamut, primo, nga ikaw nakighigala nianang batan-ona!— matud ni Don Primitive.— Ang mga matarong maoy magabayad sa sayop sa mga makasasala; katambagon ako kanimo nga sulaton mo na lamang ang imong testamento ...
Higala, ako higala ni Platon, apan labi nakong higala ang matuod. — P. — sa Taghubad
Ang buhat dautan ug nahadlok ako nga adunay mangil-ad nga sang putanan. — P. sa Taghubad.
