alingasa sa pagtukod usa ka tulonghaan pulos lamang sugilanon.
—Hesus! Nakita na ninyo? — matud sa mga babaye nga nanagpanuo nang daan sa sugilanon.
Ang tulonghaan maoy usa lamang ka pasangil; ang buut niya tukuron mao ang usa unta ka kota sukad diin rnakapasalipod sila pag-ayo kon amo nang sulungon...
—Hesus! kalampingasan! Ang usa da gayud ka indiyo maoy takus makahupot nianang mga hunahunang tinalawan! — matud sa babayeng matambok.— Kon ak6 pa ang Kapitan Heneral makita da gayud unta nila... makita unta gayud...
—Mao usab kanay ako! — matud sa maniwang nga miatubang sa pungkol.— Dakpon ko unta ang tanang mga abogadillo, mga cleriguillo, mga magpapatigayon, ug walay kihakiha hinginlan ko sila dinhi! Ang kadaut kinahanglan lukaon gayiid sukad sa gamut.
—Apan ginaingon nga kanang panulay nga pilibustiro anak ug mga Katsila!— matud sa pungkol nga wala lamang motanaw kang bisan kinsa.
—Aw, diay?— matud sa babayeng matambok nga wala maluba; — ang mga mestiso gayud maoy manag-una sa tanan! Walay indiyo nga makasabut unsay kagubut! Pamuhi pag mga uwak ... pamuhi pa ... aron tuhakon ang imong mata! ...
—Nahibalo kam6 unsay akong hibatian?— nangutana ang usa ka mestisa nga mipak^ang ia sultisulti. — Ang asawa ni Kapitan Tinong . . . nahanumdom ba kamo? Kadto nganing tagiya sa balay nga atong gisayawan ug gipanihaponan sa pangilin sa Tondo...
—Kadtong may anak nga duha ka dalaga? Oo; unya?
—Karong hapon mihatag siya sa Kapitan Heneral usa ka singsing nga bilig usa ka libo ka pisos! Ang pungkol milingi.
—Tinuod? Apan, ngano man?— nangutana nga nasiga ang mga mata.
—Pinaskohan kono, matud niya...
—Kulang pa nganig usa ka bulan ang Pasko!...
—Tingali nahadlok nga hipiksan sa nahitabo... — matud sa babayeng matambok.
