Si Kapitan Tiyago malipayon kaayo. Sulod niadtong panahon nga malisud walay mihilabut kaniya: wala siya dakpa, wala siya did-i pagpakigsuld kun pagsulat kang bisan kinsa, walá siyá patilawa sa malisud nga mga sukot-sukot, sa mga maquinas electricas, wala siya humoli sa tubig sulod sa dugayng panahon sa usa ka lawak sa ilalum sa yuta, lawak nga hiilhan kaayo sa pipila ka dagkung-tawo nga, matud da usab nila, mga sibilisado sila. Ang iyang mga higala, sa ato pa, ang iyang mga higala kanhi (kay si Kapitan Tiyago nagpahilayo na man sa iyang mgi higalang Pilipinhon sukad kini sila katahapi sa Kagamhanan) namauli usab sa ilang tagsatagsa ka panimalay, human sila maglulinghayaw sulod sa pila ka adlaw sa mga balay sa Kagamhanan. Ang Kapitan Heneral maoy nangunay pagsugo nga papahawaon sila niadtong mga balaya kay gihunahuna niya nga sila dili angay manglumad didto, ug niini nasuko uyamut ang pungkol nga buut unta intawon magsaulog sa umaabut nga Pasko didto niadtong kaumahan nga matambok kaayo.
Si Kapitan Tinong mipauli sa ila nga masakiton, nagluspad ug nanghupong— ang iyang lawas wala mahiuyon sa lulinghayaw— ug labihan nga pagkabalhin sa iyang kinaiya kay dili na ngani makigsulti ni makighimamat sa iyang banay nga mihilak, mikatawa, misulti kaniya ug nabuang intawon sa kalipay tungud sa iyang paghiuli. Ang alaut nga Kapitan dili na ngani manaug sa balay kay nahadlok nga mahinayak pagyukbo sa usa ka pilibustiro. Ang maong ig-agaw niya nga si Don Primitivo, bisan nagahuput sa tibuok kinaadman sa mga karaan, wala gayud rnakasumpa sa pagpakahilum ni Kapitan Tinong.
—Crede, prime, —gisultihan kini;' —kon wala ko pa sunoga ang tanan mong mga papel, tingali gibitay na ikaw; apan kon gisilaban ko pa ang tibu6k baldy, wald untay mihilabut bisan sa tumdy sa imong buhdk. Apan, quod eventum, eventum; gra-
