Didto sa ibabaw, sa lugot sa bukid, duol sa usa ka sapa, may usa ka payag nga nagatago ilalum sa kakahoyan tinukod sa mga lindog sa kahoy nga baliko. Sa iyang atop nga kogon mikapot ang malabong kalbasa nga puno sa mga bulak ug mga bunga; sulod sa panimalay nga bukidnon adunay mga dayandayan nga mga sungay sa lagsaw, mga kalabira sa baboyng ihalas, pipila kanila may mga tag-as nga tangu. Nidtong payaga nagapuyo usa ka banayng tagalog nga nagkabuhi sa pangayam ug pagpamutol mga kahoy ng igsusugnod.
Sa ilalum sa usa ka punoang kahoy, ang apohan nagabagus ug mga tukog sa bull aron buhaton silhig, samtang ang usa ka dalaga nagasulod sa usa ka bukag ug mga itlog sa manok, mga limon ug mga utanon. Duha ka bata, usa ka lalaki ug usa ka babaye, nanagdula tupad sa usa usab ka batang lalaki, lusparon ug masulub-on, dagku ug halaglum ang mga mata; kadtong bata nagalingkod sa usa ka batang. Sa iyang maniwang panagway maila nato nga kadtong bataa mao ang anak ni Sisa, si Basilio, igsuon ni Crispin.
—Kon maayo na kanang imong till,— giingon siya sa batang babaye— magpisopiso ug magtagotago unya kita; ak6 ang maghimungaan.
—Motungas ka unya kuyog kanamo ngadto sa tumoy sa bukid— midason ang batang lalaki;— moinum ka ug dugo sa lagsaw nga sagulan sa duga sa limon aron ikaw mosupang, ug unya tudloan ko ikaw pagtapontapon sa kapangpangan ibabaw sa sapa.
Si Basilio mipahiyum nga masulub-on, mitan-aw sa samad sa iyang till ug miyahat sa Adlaw nga nagkasiga didto sa itaas sa langit.
—Ibaligya mo kining mga silhig— matud sa apohan sa da-
