-Gisunog sa mga tawong makidiyos, abi nila nga tungúd niadtong buhata nakapahimuót silá kang Bathala. Walá gayúd akoy naluwás, bisan ang mga basahón na lamang ni Cicerón... Ang Goberndorcillo walá mokihól aron pagsanta niadto.
Ang durohá nangahilum. Niadtong higayona nabati ang awit nga masulub-on mingawon sa buang.
-Nasayud ba ikáw kanus-a kasla si María Clara?- nangutana si Idáy kang Sinang.
-Walá-mitubág kiní: nakadawát akog sulát kaniya, apan dili nako buksan kay nahadlok akó nga masayud niana. Alaut nga Crisóstomo!
-Ginaingón nga kon walá pa si Linares, si Kapitán Tiyago gibitay unta; nan, unsa may takús intawon mahimo ni María Claramatud ni Victoria.
Usá ka batang lalaki miagi nga nagtakiáng; nagdagan siyá padulong sa sawang gikan diún nabati ang awit sa buang. Kadtong bataa maó si Basilio. Sa paghiulí sa ila, nakita sa bata nga ang ilang baláy walay tawo ug nagkaguba na; humán siyá magsu- sísusí, maó day iyang natino nga ang iyang inahán nabuang ug naglibúdlibúd sa lungsod; kang Crispin walá siyáy hisayran.
Gipugngan ni Basilio ang iyang mga luha, giguom ang iyang kasakit, ug, walá lamang ngani mopahulay, milakáw siya aron pagpangita sa iyang inahán. Miabút siyá sa lungsod, nagpangu- taná ug unya nabati niya ang awit nga gikan sa sawang. Gipug- ngan sa alaut ang pangurog sa iyang mga paa ug buút siyá modalagan aron paggakús sa iyang inahán.
Ang buang mihalín sa sawang ug miadto sa atbang sa baláy sa bag-ong alferez. Sama kanhi, karón aduna usáb ing sundalo nga nagabantay sa ganghaan ug adunay babaye nga nanambo sa tamboanan, apan dili na si Donya Consolación, kon dili usá na ka babayeng batan-on: dili ang tanang alferez alaut ug may asawa nga sama kang Donya Consolación.
Si Sisa miawit tungód sa baláy, nagasud-ong sa Bulan nga nagpautaw-utaw sa langit nga tagumon, taliwala sa mga panga- nod nga gitina sa maluspad nga kahayag sa hari sa kagabhion. Si Basilio nakakitá kaniya apan walá mangahas pagduol, kahá na- gahulát nga ang iyang inahán mohalín didto; nag-utas siyág su- roysuroy apan nagalikáy pagduol sa kuwartel.
