Linaktod niya ang banwa nga nagpadayon pakadto sa mga gwagwa. tubtob sa isa ka dumaan nga balay nga kutob sang madamb
nga tinuig wala niya mabaliki sa pagtumban. Ginlibutan sang
padir diin nagtubb ang nagkalainlain nga mga kaktus, nga daw
naghagyo sa iya: ang mga bintana nabuksan; ang ilang-ilang naghilayhilay nga nag-uyog sing malipayon sang iya mga sanga, nga
nalulanan sing mga bulak; ang mga paring naglinupadlopad palibot sa timpos nga alibungan sang iya puloy-an nga nahamtang sa
tunga sang hardin.
Apang ang pamatan-on wala magsapak sa sini nga mga kali pay nga gintanyag sa iya pagbalik sa iya dumaan nga puloy-an: ang iya mga mata nalansang sa bayhon sang isa ka pari nga nagpalapit paatubang sa iya. Sia, ang kura sang San Diego, yadto’ng pransiskano nga masami nagpadalum sang iya panumdoman nga nakita naton, ang kaaway sang alperes. Ang hangin nagpapilb sang malapad nga paldiyas sang iya kalu; ang sotana nga ginggon naghaplak kag nagbanhay sang mga bahin sang iya lawas nga nagpakulod sang iya maniwang kag tiko nga mga batiis. Sa tuo niya nga kamot nagbitbit sia sing isa ka baston nga palasan nga may uloyatan nga marpil. Amo pa lang yadto nga si Ibarra kag sia nagkitaay.
Sang ila pagsugat-anay, dumulog anay sing makadali ang pamatan-on kag tumod nga tinulok niya sia; linikawan ni Fr. Salvf ang iya panulok kag daw wala magsapak.
Ang pagpangduhadoha lumabay lamang sing makadali: pinalapitan sia ni Ibarra gilayon, pinadulog kag hinulog sing mabaskog ang iya kamot sa iya abaga kag sa tingog nga halos mahangpan:
Ano ang ginhimb nimo sa akon amay? — Pamangkot niya Si Fr. Salvi, nangluspad kag nagpalangurog sang mabasa niya ang mga balatyagon nga lumotaw sa nawong sang pamatanon. indi makasabat: binatyag niya nga daw indi sia makahulag.
Ano ang ginhimb nimo sa akon amay? — Pamangkot niya. liwat sa iya sa paningog nga nalumsan.
Ang pari nga kumukb sing amat-amat sa kamot nga natum-ok sa iya, naghimulat kag nagsabat:
— Nagsayop ka; wala ak6 sing ginhimb sa imo amay!
— Ngaa wala — Dinayon sang pamatan-on ang pagtum-ok tubtob nga lumuhod sia.
