— Jesus, Mana kag Jose! Sta. Barbara nga benditado! — Kibot sang gobernadorsilyo nga nangluspad kag nanguros.
Tumalangkaw si Tasio.
— Angay {amo sa ngalan sang inyo patrona!2 —Siting niya sa kinatsila nga tumalikod, kag kumadto sia sa simbahan. Pinatindog sang mga sakristan sa sulod ang isa ka entyerohan nga ginlibutan sang mga kandila nga nasulod sa mga suluksokan nga kahoy. Duha yadto ka latok nga dalagkb nga ang isa tinungtong sa isa, nga natabunan sang mga itum nga panapton nga may mga guray nga puti; diri kag didto makita ang mga kalabera nga pinintahan.
— Sa mga kalag bala ina ukon sa mga kandila? —pamangkot niya.
Kag sang makita niya ang duha ka bata nga ang isa napulb ka tuig kag ang isa daw pito man bala ka tuig kapin kon kulang, kinadtoan niya sila nga wala na maghulat nga sabton sia sang mga sakristan.
— Maupod kamo sa akon, kabataan? — Hambal niya sa ila. — Ang inyo iloy naghimos sa inyo sing isa ka panihapon nga bagay sa mga pari.3
— Ang sakristan mayor indi maluyag nga magpauli kami tubtob sa ikawalo ang takna, senyor! — Sabat sang magulang. — Ginahulat ko nga makuha ko ang akon suhol agud mahatag nakon sa amon iloy.
— A! Kag diin kamo makadto?
— Sa tore, senyor, sa pagbagting sang lingganay sa mga kalag.
— Makadto kamo sa tore? Hand maghalong! Ayaw kamo magpalapit sa mga lingganay kon may bagyo.
Sang ulihe humalin sia sa simbahan nga pinasiplatan niya an ay nga may pagkaawa ang duha ka bath nga sumaka sa hagdanan pakadto sa koro.
Pinahiran ni Tasio ang iya mga mata, tumamod uli sa duta kag nagkumod:
— Karon magakasubo ako kon manglinti.
(2) Angay kamo sa ngalan sang inyo patrona — Ukon sa isa ka pulong, sila mga mapintas; ini nga sari sang pulolungon ginatawag nga eulemismo sa kinatsila — ginapahumok ang mga tinaga sa baylo sang mga masakit ukon matigdas nga bu6t ihambal. Apang ini iya nga eupemasmo may samu nga labtik.
(3) Isa ka panihapon nga bagay sa mga pari — Isa ka dagaya nga pani hapon; kag bilang nagakaapit-apit sini madumdoman ang hurubaton nga: “Ang matambok nga manok kag matibunog nga paa iya sang pari.”
