Ang isa ka kilat nga gindasunan sang mabaskog nga daguob, pumatindog kay Doray, nga nagsiling kag nanguros:
— Jesus, Mana kag Jose! — Bay^an ko kamo; masunog ako sang lukay nga nabenditahan kag masindi sing mga kandila nga perdon.
Ang ulan nagsugod sa pagtupa sing mabaskog. Si pilosopo Tasio nagpadayon sang iya pagsugid samtang gintulok niya nga nagpalayo ang pamatan-on nga asawa:
- Karon kay wala na sia, sarang na kita makahambal sang butang sing labing matarong. Si Doray, wala’y sapayan nga may iya nga pagpati sang binabaylan, isa sia ka maayo nga katolika, kag indi ako maluyag nga maggabot sang pagtuo sa iya tagipusuon: ang isa ka pagtuo nga putli kag tunay nga sarang makilala sa binulag nga pagtuo subong sang kalayo, sa aso, subong sang isa ka lanton sa isa ka ginahod; ang mga buangboang subong sang mga bungol, ila ina ginasalakot. Sa aton lamang sarang naton masiling nga ang purgatoryo isa ka butang nga maayo, balaan kag matarong, nagapadayon sang kaangtanan sang mga nag-ulona kag sang mga masunod, kag nagapilit sa isa ka labing’ pagpa putli sang kabuhi. Ang malain amo ang abuso nga ginahimb nahanungod sini.
Apang tan-awon naton karon kon paano nga kumadto sa katolisismo ini nga kaisipan nga wala bisan sa bibliya ukon sa mga santo cbanghilyo. Maskin si Moises ukon si Jesucristo wala makahinambit sing bisan diutay lamang sina, kag ang isa lamang ka bahin nga ginhinambitan gikan sa mga Macabeo indi tuman, wala’y labot nga ini nga tulon-an ginbilang sang hubon sang Laodicea* nga indi mapatihan, kag ang balaan nga simbahan nga katoliko amo lamang ang nag-inakop sini sang ulihe. Ang pagtuluohan sang mga pagano wala man sing nagkaangay sina. Ang bahin nga masunson ginhinambitan nga iya ni Virgilio gikan sa Aliae panduntur inanes5 nga nakahatag kabangdanan kay S. Gregorio nga dalagangan sa paghambal nahanungod sang mga kalag nga linumsan, kag nga ginpadakb ni Dante sa iya “Divina Comedia" indi mahimb nga ginhalinan sini nga pagpati. Maskin ang mga braman, ang mga budhista, ukon ang mga ehipsyo, nga naghatag sa Grecia kag Roma sang ila Caronte kag Averno, wala man sing nagkaangay sini nga kaisipan. Indi na ako maghambal
(4) Laodicea — Isa ka siudad sa dumaan nga Asia.
(5) Aliae Panduntur inanes — Ang iban nagaunay se taliwala.
