hustisya nga langitnon. Sang ulihe ang hubon Tridentino sa
idalum ni Pio IV sang 1563, sa ika-XXV nga sinapol naghatag sing
mandii nahanungod sang purgatoryo nga sa pamunb nagsiling:
Cum Catholica ecclesia. Spiritu Sancto edocta etc., diin nagasiling
nga ang mga ginapangayo sang mga buhi, ang mga pangamuyb.
mga limos kag iban pa nga ila ginahikot sa pagtuluohan amo ang
labing’ maayo nga mga kalalangan sa paglwas sang mga kalag
wala’y sapayan nga ginapasulabi sa tanan ang pagpamisa. Apang
ang mga protestante wala sina pagpati, subong man ang mga
pari nga grego, sanglit sun6 sa ila wala ini ginapamatud-i sang
bibliya, kag nagasiling sila nga ang panahon sa pagpakaputli ukon
pagpakamalaot matapos sa pagkapatay sang tawo. kag ang Quodcumque ligaberis in terra (kon ano nga imo higtan sa duta) wala
nagakahulogan nga usque ad purgatorium, (tubtob sa purgatoryo)
kag iban pa: apang ini sarang masabat nga tungod kay ang pur
gatoryo yara sa katung-anan sang duta, tutuo gid lang nga mahulog
sa idalum sang kagamhanan ni S. Pedro. Apang indi matapos
kon isugid ko ang tanan nahanungod sa butang nga ginahambalan.
Sa iban nga adlaw kon luyag nimo nga magpakighambal sa akon
nahanungod sina nga butang, kadto ka sa akon balay kag didto
buksan naton ang madamb nga tulon-an kag mabais kita sing
hilway kag malinong. Nian malakat na ako: ambot kon ngaa nga
ang mga pinunb nga kristohanon nagpahanugot sang pagpangawat
— kamo nga mga punban sang banwa ginapabayaan ninyo —
kag ginakahangaw-an ko ang akon mga tulon-an. Kon kawaton
nila nga basahon lamang, pabay-an ko sila apang nasayran ko nga
luyag sang kadamban nga sunugon agud madulotan nila ako sing
isa ka buhat sa kaluoy, kag ini nga sari sang kaluoy nga bagay
kay Kalipa Omar,7 makahaladlok. Ang iban tungod sini nga mga tulon-an nagatuo nga ako kondenado na ...
— Apang ayhan mapati ikaw sang silot? — Pamangkot ni Doray nga nagpakita nga nagadala sa isa ka bulobatiya nga may mga laya nga lukay nga nagtub-ok sing aso nga nagptiog kag may mahamot nga alisbong.
(7) Kaluoy nga bagay kay Kalipa Omar — Kaluoy nga makahalit, nga anS paglaglag sa pagpati nga sa sini mahimo ang kaayuhan, subong sang kaisipan sang mga wala nagatuo sa mga larawan sang mga santos nga amo ang mga Mahometano. Ang ila Manalagna naga pa lapnag sang iya pagtuluohan paagi sa sulab kag sa kinagubot. Kon amo, isa ka kaluoy nga sayop ang paghangop, nga makahalit sa baylo nga makapaayo; ginsunod ini sa maragtas nga si Kalipa Omar nagsugo nga tutdan ang bibliyoteka sa Alejandria nga naghimo sini nga pagbuot: ini nga mga tulon-an suno bala sa mga ginasiiing sa Korean, ukon indi; kon suno, hanti wala sing pulds; kon indi, makahalalit. Gani nga bagay tutdan tanan.
