— Ambot, senyora, kon ano ang himuon sang Diwa sa akon! — sabat sang tigulang nga si Tasio nga nagpainuino. — Kon ako magtinga na, itugyan ko ang akon kaugalingon sa iya nga wala’y kahadlok; buhaton niya sa akon ang luyag niya. Apang nagalabay sa akon ang isa ka panghunahona...
— Kag ano nga panghunahona ina?
— Kon ang mga makalwas lamang amo ang mga katoliko, kag sa ila sini ang lima ka gatos, suno sa ginasiling sang madamb nga kura, kag ang mga katoliko isa sang napulb kag duha ka balun sang tanan nga katawohan sang kalibutan kon patihon naton ang ginasugid sang mga estadistiko, ang mahanabb nga sa tapos makondcna ang minilyonmilyon ka tawo sa sulod sang indi maisip nga mga dinag-on nga nagliligad sang wala pa mag-abot ang Manlulowas sa kalibutan, sang tapos mapatay ang isa ka anak sang Diwa tungod sa aton, karon ang sarang malwas lamang lima sa tagsa ka isa ka libo kag duha ka gatos? O, ang matiiod nga indi! Pasulabihon ko ang paghambal kag pagpati kay Job: magmabangis ka batok sa isa ka dahon nga nagalupad kag lagson mo ang mataliwis nga utbong nga layong? Indi, ang tuman nga kalaglagan indi mahimb, ang magpati sina isa ka pagtampalas, indi, indi!
— Ano ang luyag nimo? Ang katarungan.... ang kaputli nga langitnon?
— O! Apang ang katarungan kag ang kaputli nga langitnon nagatan-aw sang palaabuton sa wala pa ang pagtuga! — Sabat sang tigulang nga nagpalangurog kag tumindog- — Ang pagtuga, ang tawo isa lamang ka hitabb kag indi kinahanglanon, kag ina nga Diwa indi dapat magtuga sa iya, indi, kon sa paglipay sa isa dapat paantuson ang ginatos sa isa ka kalaot nga wala’y katapusan, kag tanan tungod sa mga sala nga ginpanubli, ukon sa isa ka tion. Indi! Kon ina matuod, lumsi ang imo bata nga didto nagakatulog; kon ina nga pagtuo indi isa ka pagtampalas batok sa Diwa nga dapat mangin makagagahum nga Maayo, hanti ang Molok nga taga Fenicia nga magkaon sang tawhanon nga unod kag sang dugb sang mga wala’y buot kag sa iya kasudlan ginsunog ang kabataan nga linugos gikan sa mga dughan sang ila mga iloy, ina nga duguon nga Diwa, ina’ng balaan nga makahaladlok sa luyo niya mangfn — isa ka mahuyang nga lin-ay... isa ka abyan nga babae, ang iloy sang katawohan!
