NAGDULOM ANG GAB-I: Nagtulog sing malinong ang
mga pumoluyb; ang mga panimalay nga nagpalanumdom sadto’ng
nagtalaliwan, nagtululog sing malinong nga lunsay naayawan:
ginmitlang nila ang tatlo ka bahin sang palangadion nga may
mga rekyem, ang nobcna sa mga kalag, kag nakasindi sila sing
madamb nga kandila sa atubangan sang balaan nga mga larawan.
Ang mga manggaranon kag mga may ikasarang nakatuman sang
ila mga katungdanan nga binilin sa ila sang kapalaran; sang
dumason nga adlaw namati sila sa tatlo ka misa nga ginhiwat
sang tagsa ka pari, naghatag sing duha ka pesos sa pagpamisa nga
ipahanungod sa ila, kag pagkatapos nagbakal sila sing bula sa mga
patay,1 nga puno sing mga pagpatawad. Sa pagtuo nga ang
hustisyang’ langitnon indi gid tama ka mahingamuhon sangsa
hustisyang' dutan-on.
Apang ang imol, ang makaluluoy nga halos makakita sang isagod nila sa ila kaugalingon kag dapat pa nga maghiphip sa mga dulodirektor, mga eskribyente kag mga soldado agud indi sila paggamuhon sa ila pagpangabuhi, amo ang indi makatulog sa kalinong nga ginapatihan sang mga mamalaybay sa lingkuranan nga harianon nga wala man makaagi sang mga kasisit-an sang kaimulon. Ang imol masinulub-on kag nagapalibog. Sadto nga gab-i, diutay lamang ang iya palangadion, nakapangamuyb sing madamb, nga may kasakit sa mga mata kag may mga luha sa tagipusuon. Wala sia sing mga nobena, kag indi man makahibalo magsabat, bisan ang mga berso, bisan ang mga oremus nga ginpatukpatok sang mga prayle sa mga wala sing kaugalingon nga kaisipan, bisan kaugalingon nga mga balatyagon; nga indi man nila
(1) Bula sa mga patay — Ang bula amo ang kalig-un&n ukon sulat sang Papa nga sa gahum sini mapatawad kag mahusay ang maskin ano nga kasalanan nga mahimo sang tawo. May tatlo ka sari ang bula: isa ka bula tuhoy sa mga buhi, nga ang mga tag-angkon sarang makatigayon sang pagpatawad sang mga tagtuad sang ila mga sain; may bula man sa mga patay jsa pagbawi sa ila sa mga silot sa purgatoryo; kag may isa man ka bula sa pagpahanugot sang pag-inum sang gatas, pagkaon sang mga itlog kag mga kame sa mga adlaw sang pagpuasa.
