ako sing tatlo ka indulhensya kag yadto tanan ginhalad ko sa kalag sang akon bana.
—Malain nga buhat, utod Juana! — Siling ni Rufa nga napilas ang iya buot. — Ang isa lamang ka indulhensya tuman na nga makakuha sa iya sa purgatoryo; indi mo dapat pag-usikan sa wala nagakaigb ang balaan nga mga indulhensya. Buhata ang ginahimb ko.
— Ginsiling ko: kon madamb, maayo gani! — Sabat sang kubos nga .si utod Juana nga nagkadlaw. — Apang, isilmg mo, anb ang imo ginahimo?
Si utod Rufa wala gilayon makasabat: nangayo sia anay sing buyb, inusang niya, tinulok ang iya mga tumalambong nga nagpalamati sing maayo; nanupla sa isa ka higad, kag nagsugod sia samtang nga nag-usang sang tabako:
— Wala ako pag-usik sa wala nagakaigo sang bisan isa ka balaan nga adlaw! Kutob nga nangin-katapb ak6 sang Paghiliutod nakakuha ako sing 457 ka indulhensya nga bug-os, 760,598 ka tuig nga mga indulhensya. Ginlista ko ang tanan nga akon natigayon, kay maluyag ako sang matinlb nga pag-isipay; indi ako buot maglag-it, kag indi man ako maluyag nga paglag-iton.
Si utod Rufa dumulog sing makadali kag magpadayon sa pag-usang; ang mga babae nagtulok sa iya nga may pagdayaw, apang ang tawo nga nagtikangtikang dumulog, nga naghambal sa iya nga may diutay nga paghikay.
— Ako, karon lamang nga tuig nakakuha ako sing apat ka bug-os nga indulhensya kapin sangsa imo, utod Rufa, kag isa ka gatos ka tuig pa kapin, kag sa sina nga karon nga tuig wala pa ako makapangadi sing madamo.
— Labi sangsa akon? Kapin sa 689 ka indulhensya nga bugos, 994,856 ka tuig? — Sulit ni utod Rufa nga naglain diutay ang buot.
— Amo ina, walo ka bug-os nga indulhensya kapin kag isa ka gatos kag napulb kag lima kapin kag pila pa ka bulan. — Sulit sang tawo nga sa iya liog nagkabit ang mga eskapularyo kag mga rosarito nga bulingon.
— Indi katingalahan, — siling ni Rufa nga nagkilala nga lutos sia. —Ikaw ang manunudlb kag punb sa puod:
Ang tawo kumadlaw tungod sang pagdayaw sa iya.
