ipanghatag nga pasakaan; makalwas pa sang madamo nga kalag.
Patiha ako, sunda ang ginahimb ko.
— Ako akon, may ginahimo nga iban nga butang nga maayo pa! — Sabat ni utod Sipa.
— Ano? Maayo pa? — Namangkot nga may katingala si Rufa. — Indi mahimb. Ang ginabuhat ko indi na malabawan!
— Pamati ka anay kag magapati ka, utod! — Panumbalik sang tigulang nga si Sipa sa tingog nga may kaaslum.
— Abi! Abi! Pamatian naton! — Siling sang iban.
Sang tapos makauboubo humambal ang tigulang sa sini nga bagay: — Nahibal-an na ninyo sing maayo nga kon magpangadi sing Bendita-sea-tu-Pureza, kag sang Senor-mio Jesucristo-'Padredulcisimo-por el-gozo, makakuha sing napulo ka tuig sa tagsa ka tigbato.
— Duha ka pulo! — Indi kubos! — Lima! — Sinabatsabat sang nagkalainlain nga mga tingog.
— Kapin sa isa, ukon kubos man sa isa, waay kaso! Karon: kon ang isa ka suloguon nga lalaki, ukon babac man, makabuong sing isa ka pinggan, baso ukon tasa, kag iban pa, ginapapulot ko sa iya ang tanan nga tinipik, kag sa tagsa, maskin ang labing' magagming na gid, ginapapangadi ko sia sing Bendita-sea-tu-Pureza kag sang Senor-mio-Jesucristo-Padre-dulcisirno-por-el-gozo, kag ang mga indulhensya nga makuha ko ginahalad nakon sa mga ka lag. Sa balay ang tanan sina makahibalo Iwas lamang ang mga kuring.
— Apang ina nga mga indulhensya ginakuha sang mga suluguon kag indi ikaw, utod Sipa, — pamatok ni Rufa.
— Kag ang akon mga tasa, kag ang akon mga pinggan sin-o ang mabayad sa akon? Luyag nila nga magbayad sing amo ina kag luyag ko man, wala ako pagsakit sa ila, Iwas lamang sang isa ka karos sa ulo ukon kusi...
— Sundon ko ina!—Himuon ko man!—Kag ak6 man! — Sinabatsabat sang mga babae.
— Apang kag kon ang pinggan mabuong sa duha ukon tatlo lamang ka bahin, diutay lamang ang batunon mo! —Painuino gihapon sang libagon nga si Rufa.
— Aba! — Sabat sang tigulang nga si Sipa, — ginapapangadi ko man sila gihapon, ginakulahan ang mga buong kag wala kami sing madula!
Wala na sing inogpamatok si utod Rufa.
