— Pahanugoti ako nga pangkuton ko kamo sang butang nga ginaduhadohaan ko, — hambal nga may katahap sang pamatan-on nga si Juana. — Kamo mga ginang, nakahangop gid sing maayo sini nga mga butang nga ila sang langit, purgatoryo kag impyerno.. .ginatuad ko nga ako wala sing nahibal-an. ..
— Hambal!
— Masami nakit^ ko sa mga nobena kag iban pa nga mga tulon-an ini nga mga tugon: Tado ka padrenuestro, tatlo ka ave maria kag tatlo ka gloriapatri...
— Kag maayo?
— Luyag nakon mahibal-an kon ngaa pangadion naton ina: ukon ang tatlo ka padrenuestro nga pasunod, tatlo ka avemaria nga pasunod kag tatlo man ka gloriapatri nga pasunod; ukon makatlo suliton ang isa ka padrenuestro, isa ka avemaria kag isa ka gloriapatri?
— Ang tutiio nga, makatlo nga isa ka padrenuestro... — Pasayluha ak6, utod Sipa!—bungkag ni Ruf a:—Dapat sila magpangadi sa lain nga paagi: indi pag-isakot ang mga sulog sa mga munga; ang mga padrenuestro mga sulog ang mga ave maria mga munga kag ang mga gloria mga buto. — Eh! Pasayluha ako, utod Rufa. — Ang padrenuestro, avemaria kag gloria katulad sang kan-on, sud-an, kag salsa, isa lang ka timti sang mga santos. ..
— Nagsayop kamo! Talupangdan ninyo lamang nga kamo nga nagapangadi sing amo ina wala kamo sing makuha sang inyo ginapangayo!
— Kag kamo kay nagapangadi sing amo ina, wala kamo sing makuha sa inyo mga nobena! — Sabat sang tigulang ng si Sipa.
— Sin-o? — Siling ni Rufa nga tumindog. Sini’ng karon nadula ang akon idik, nangadi ako kay San Antonio, kag nakita ko, kag nabaligya ko pa sa maayo nga bill, aba!
— Huo? Tungod sina nagsiling ang imo kaingod nga binaligya mo ang iya idik!
— Sin-o? Ang wala’y huyS! Pagdumdom mo subong ako sa imo... ?
Pumatonga ang manunudlb sa paghusay sa ila; karon nalimtan na nila ang mga padrenuestro, ang ginhambalan na lang amo ang mga baboy.
— Abi, abi, ayaw kamo pagginamo sa isa ka idik, mga utod! Ang Balaan nga Kasulatan. nagahatag sa aton sing maayo nga su-
