kiban niya ang makatilingala nga mga tinago; ang buluthoan, indi duog sang mga kasakitan, kundi isa ka palanglingawlingawan
sang panumdoman. Gani, nga inuntatan ko sing amat-amat ang
pagpanghanot, dinala ko sa balay ang mga pagpamadlong kag
binayluhan ko sing pagdayaw kag pagpakamahal sang mga kaugalingon. Kon indi mahibal-an ang isa ka leksyon, ina ginabilang nakon sa kakulang sing kabubut-on, indi sa kakulang sang
ikasarang; ginpapati ko sila nga may maayo sila nga mga ikasangkol sangsa ginapakita nila, kag ini nga pagpati nga gintinguhaan nila sa pagpamatuod, nagpilit sa ila sa pagtuon, kaangay
sang pagsalig nga nagatulod sa tawo sa pagpanginmatay sa banwa. Sang pagsugod nagpakita nga ang pagpanibag-o sang paagi
daw indi mahimo: madamo ang nag-untat sa pagtuon, apang pinadayon ko kag napanilagan ko nga sa amat-amat nag-uswag ang
ila panumdoman, nagdamo ang kabataan, nga nagsululod sa klase kag wala'y untat; kag yadto'ng sa makaisa gindayaw sa atubangan sang tanan, sang madason nga adlaw nagpilo ang iya nahibal-an. Sa gilayon nabalahuba sa banwa nga wala ako pagpanakit; pinatawag ako sang kura, kag nahadlok ako nga mahanabo liwat ang nahanabo na, hinatagan ko sia sang katahuran
nga mabugnaw sa tinagalog. Sini nga tion nagligdong sia kaayo
sa akon. Nagsiling sia sa akon nga ginpalain ko ang kabataan,
nga gin-usikan ko ang panahon, nga wala ako pagtuman sang
akon katungdanan, nga ang amay nga nagpaumod sa paghanot
wala pagpalangga sa iya anak, suno sa Espiritu Santo, nga ang
tigbato nga may dugo nagasulod, kbp.6 ginhinambitan niya ang
pila ka hurubaton sadto'ng mga panahon sang mga mapintas, nga
daw tuman na nga ang isá ka butáng nga ginhambal sang mga
tawo sang una indì malalis. Sunô siní, dapat naton patihon nga
sa pagkamatuod nagkabuhi sadto ang mga dalagkò nga sapat,
nga gintuga sadto nga mga panuigón kag gingutib nila sa ila
mga palasyo kag mga katedral. Sa katapusan ginpanugyan niya
nga magmasinulundon akó kag balikon ko ang una nga paagi,
__________________
(6) Ang tigbató nga may dugo nagasulód - Ang buót singganon, nga ang tawo nga maluyag mag-uswag sa maskin anó nga butang, dapat mag-agi sa mga pagpangabudlay kag sa mga kalapya. Ginatawag nga disiplina ang pagpanghanat kag sa pagpatuón ginahanot ang bata; apang dapat nga indi pagpatam-an nga suno sa sinadto nga kinabatasan, ang kabataan agud mag-alam sa ila pagtuon ginhanot nga subong sang mga sapat, diri sini nagikan ang sayóp nga kahulogán sang hurubaton nga: ANG TIGEATO NGA MAY DUGO NAGASULOD; diin nga sa dugo dapat kitá magtuón, indi sa pagsakit, kundi sa paghandum, paghigugma kag sa pagpaninguha, nga sa masunson ginatawag naton nga DINUNGGANON, nga ini labi nga nagapahulag sangsa pagsakit.
