— Pamatii! — Siling ni D. Filipo sa manubo nga tingog sa duha ukon tatlo nga nagpamati sa iya. — Karon nga aga nagkitaay kami sang tigulang nga si Tasio.
—Ti, nano?
—Ang tigulang nagsiling sa akon: Ginatamay kamo sang inyo mga kasumpong labi sangsa inyo mga kaisipan. Luyag ninyo nga ang isa ka butang indi matigayon? Hanti ihingyo ninyo, kag bisan pa nga labi kamapuslanon sangsa isa ka rnitra (ginagamit sang obispo nga puni sa iya ulo) ina pagasikwayon. Kon malutos na kamo, pahingyoa sang luyag ninyo ang labing’ kubos sa inyo, kag ang inyo mga kaaway sa pagpakahuya sa inyo, mapakamaayo sina. Apang hipsi lamang ina nga likum.
—Apang . . .
—Gam nga ak6 ang mapahayag sang hingyu sang aton mga kasumpong nga hitadhitaron ko agud mangin kaladlawan. Hipos! Si Gg. Ibarra kag ang manunudlb sa buluthoan.
Ang duha ka pamatan-on naghatag katahuran sa pila ka guban kag sa iban man nga wala magpahilabot sa ila ginahambalan.
Sang pila ka tion sang ulihe sumulod ang gobernadorsilyo nga may pangnawong nga malain ang bu6t: sia man ang nakita naton kaliapon nga nagbitbit sing isa ka bugkos nga mga kandilL Sang iya pagsulod nagdulog ang ginahod, ang tagsa naglingkod, nga amat-amat naghari ang kalinong.
Lumingkod ang Kapitan4 sa silyon nga nabutang sa ubos sang laragway sang Iya Kagamhanan (Hari sang Espana), umubo sing makaapat ukon makalima, pinaagi niya ang iya duha ka kamot sa iya ulo kag guya, tinungtong ang iya mga siko sa ibabaw sang latok, kinuha niya, umubo liwat kag umubo pa gid nga sagunson.
—Mga giuuo! — Hambal niya sang ulihe nga hungaw ang iya tingog. — Ginpangahasan ko ang pagtawag sa inyo nga tanan sa sini nga sinapol . . . ehem! ehem! . . . hiwaton naton ang pandot sang aton ginuong’ patron S. Diego sa ika-12 sini ngabulan... ehem! ehem!... karon ika-2 kita... ehem! ehem!
(4) Kapitan — Amo ang titulo nga ginahatag sa gobernadorsilyo, dinutnaan nga pagtawag sang pangulo sang munisipyo kutob sang pagsugod sang kagamhanan sang mga katsila.
