yo sang tenyente mayor. Sa pagpasadya sang pandot ang duha
ka banda sang musika makaigo na, sa sini malikawan naton
ina’ng inaway-away ag pagsinumponganay, nga ginahimo sa
kailo nga mga manlalanton,12 nga nagaalabot sa pagpasadya
sang aton mga pandot sa ila pagpangabudlay, ang pila ka matuodtuod nga mga hinigtan nga inogbulang, nga mapauli sa
ulihc nga indi mabayaran sing maayo, indi mahatagan sing
maayo nga pagkaon, may mga hanog kag kon kis-a pilason pa.
Sa mabilin nga kwarta sarang masugdan ang pagpatindog sang
isa ka balay nga diutay nga pagapabuthban, sanglit indi kita
makahulat nga ang Diwa amo gid ang manaog sa pagpatindog
sina sa aton: masubo nga samtang may aton kita nga isa ka bulangan nga nahaunang’ sari, ang aton kabataan nagatuluon sa
kwadra sang kura. Yari diri ang diutay nga hilikuton: ang pagpahimpit mangin hilikuton sang tanan.
Isa ka malipayon nga hinuringhoring tumohaw sa sulod sang kadak-an: halos ang tanan sugot sa pamatan-on, Iwas sang pila lamang nga nagkulumod.
—Mga butang nga bag-o! Mga butang nga bag-o! Sa aton mga pamatan-on ... !
—Batunon na naton ina sa karon! — Siling sang iban, — pakahuy-an naton sia.
—Kag naghagyb sila sa tenyente mayor.
Sang bumalik ang kalinong, ang tanan naghilisugot na.
Kulang na lamang ang pamat-od sang gobernadorsilyo.
Ini ginbalhas, naggios, pinahiran niya sang iya palad ang iya agtang kag sa katapusan nagkurogkurog ang bibig nga humambal nga ang iya mga mata nagtamod paidalum:
—Ako man . . . sugot . . . apang, ehem!
Ang bug-os nga tribunal namati sing malinong.
—Apang? —Pamangkot ni kapitan Basilio.
(12) Inaway-away sa mga banda sang musika — Sa tughapon sang pandot uk6n isa ka gab-i nga wala pa matapos ang mga pagnobena, ang mga ban da sa musika nagasumponganay. Madamo nga tawo ang nagatalambong sa pagpamati sa mga lanton sini nga mga banda nga nagaulonay sa kagab-ihon tubtob maagahan, magab-ihan na man kag maagahan tubtob nga matapos ang pandot. Ang mga banda sa musika wala man nagapahuway sa paglanton sa ila pagpaindisay tubtob nga malambutan sang pihak kag pihak ang pagpainitay nga ang ila mga tulunggon ila ginapatunog sing labi kabaskog nga tuman ka makatilingil. Ang ila mga bibig nagahalabok na kag nagapalangdalom ang ila mga mata. Ini nga kinagamo nagapadayon kag mahusayan lamang kon patung-an sang pari nga mahalin sa kombento, ukon sang labing* lutaw nga pumoluyo sang puok, sang hermano mayor sang pandot ukon sang iban man nga mga tawo nga makapaluntad sang kalinong, sa mga tagpaindis.
