muhanon lamang! — Singgit sang mga pamatan-on nga nagtilindog. — Bawion namon ang amon amot.
—Ang tanan nasukot na! — Siting sang gobernadorsilyo.
Si D. Filipo pumalapit sa iya kag hutikan sing masakit:
—Ipaumod ko ang akon kaaligutgot sa isa ka maayo nga butang: kamo ginapaumod ninyo ang inyo kadungganan sa pagkatawo sa isa ka malain kag binungkag ninyo ang tanan.
Si Ibarra humambal sa manunudlb sa buluthoan:
—May luyag ka didto sa ulo-banwa sang puod? Malakat ako gilayon.
—May isa ikaw ka palatikangan?
—May isa kami ka palatikangan! — Sabat ni Ibarra nga naghutik.
Sa dalan naghambal ang tigulang nga si pilosopo Tasio kay D. Filipo nga nagpamasulbasol sa iya malain nga palad.
—Ang kasaypanan aton! Wala kamo magpamatok sang hatagan nila kamo sing pangulo nga isa ka ulipon, kag ako, kabuang sa akon, nalipatan ko man ina!
