LUMIGAD ang tatlo ka adlaw kutob sa mga nagkahanabò nga aton na nasugid. Ining' tatlo ka adlaw lakip sang mga gab-i ginhalad sang banwa sang San Diego sa paghimò sang mga pagpangaman sa pandot kag naglibot ang mga sinugidsogid. Samtang ginkalipayan nila ang palaabuton nga mga kinalipay, ang ibán naghinambal sing malain nahanungód sa gobernadorsilyo, ang ibán sa tenyente mayor, ang ibán nahanungód sa mga pamatan-on, kag walâ makulang yadto'ng pagpahanungód sang sayóp sang tanán nga butang sa tanán. P. Salvi.
Ginhambalán nila ang pag-abót ni María Clara, nga gin-updan ni tiyà Isabel. Nalipay silá siní kay naluyagan nila siá, kag subong man nga gindayaw nila sing tuman ang iya kagayunan, gindayaw man nila ang mga pagbaylo sang mga batasan ni Masunson nga nagakalipát siá sa tión sang balaan nga pagbatás; wala na siá pagsagad hambal kag sa mga panulok makità nga nagniwang siá kag nagmahipos siling sang iya mga manogbatás. Nakità siá sang kosinero nga nagniwang sa tagsa ka tión kag nanumbunganon siá nahanungod sa diutay nga pagpadungóg nga iya ginhimò sa iya mga linutòan. Apang ang nagpatuháw sang hinuringhoring sang mga tawo amó ang kamatuoran nga makità sa kombento ang kapin sa duha ka sugâ sa kagab-ihon samtang si P. Salví nagdùaw sa isi ka balay. sa balay ni María Clara! Ang tumolùo nga mga babae nagpalangurós apang nagpadayon sa paghinuringhoring.
Si Juan Crisóstomo Ibarra nagpadalá sing telegrama gikan sa ulo-banwa sang puód nga nagpangamusta kay Tiyà Isabel kag sa iya hinablos nga dalaga, apang walâ niya pag-iasoy ang kabangdanan sang iya paglakát. Madamò ang nagtulùo nga na- bilanggò siá tungód sang iya nahimò kay P. Salví sang hapon sa adlaw sang Tanán nga Santos. Apang nagdugang ang mga
hinuringhoring nga sang pagkahapon sang ikatlo ka adlaw, na-
