lan may tigtulognaw kita kag may tig-iinit;3 nagakadagdag
ang pila ka mga dahon apang nagabuloskag ang kabulakan.
Guminhawa si Fr. Salvi.
—Nakita ko nga matahum kaayo ang pagdungan sining' duhá ka panahon nga walâ mahilabti sang mayami nga tigtulognaw,— padayon ni Ibarra.— Ang Pebrero nagapabuskag sang mga bukol sa mga sangá sang mga himungáng, kahoy, kag sa Marso gulang na ang mga bungangkahoy. Kon mag-abót ang mga binulan sang tig-ilinit makadto kita sa ibán nga bahin.
Si Fr. Salví nagyuhóm. Nagsugod silá sa paghambal sang mga butang nga malain sang panahon, sang banwa, sang pandot; si María Clara nangità sing balibad kag nagpalayô.
—Kag sanglit kay nagasugilanon kitá sang mga pandot, pahanugoti akó nga agdahón ko ikaw sa pagahiwaton namon bwás. Isa ka pandot nga umanhon nga kamihanon lamang nga mga mag-abyan ang magadulot.
—Kag diín hiwaton?
—Ang mga pamatan-on nga babáe luyag nila sa sapâ nga nagadalagán sa kaingod nga kagulangan, malapit sa balitì: gani nga mabugtaw kami aga pa kaayo agúd indi kami maabutan sang adlaw.
Ang parì nanumdom; isá ka tión sang ulihe sumabát:
—Makagalanyat ang pangagda kag batunon ko inâ sa pagpamatuod sa iya nga walâ na akó sing ginahuptan nga dumót sa imo. Apang makadto akó nga adlaw na kaayo, sa tapos ko matuman ang akon mga katungdanan. Malipayon ka nga ikáw hilway, bug-os nga hilway!
Mga pila ka minuto sang ulihe si Ibarra nagpaalam sa pagtatap sang pandot sa masunod nga adlaw. — Gab-i na yadto nga madulom.
Sa dalan pinalapitán siá sang isá nga naghatag sa iya sing tuman nga katahuran.
—Sin-o ka?— Pamangkot sa iya ni Ibarra.
—Walâ mo makilala, ginùo, ang akon ngalan,—sabát sang walâ makilal-i.— Ginhulát ko ikaw sing duhá ka adlaw.
—Kag tungod sa anó?
—Kay bisan diin wala sing may naluoy sa akon, kay ang siling nila isa ako ka buyong, ginuo. Apang nadula ko ang akon
