Sing amó ang akon ginahimò, - Sabát siní. —Nagaisip akó sa pagtúad.
—Indi! — Hambal ni Sinang. Pag-inúm sing kapé kay nagahatag sing masadya nga mga kaisipán. akó.
—Karón nga dàan, kay ginabatyag ko nga daw masulub-on
—Ayaw paghimóa inâ! Pabalasan sa iya ni Tiyà Isabel.— Pag-inum sing tsa kag kumaon sing galyitas. Ginasugid nila nga ang tsa nagapalinóng sang panghunâhonà.
—Mainúm man akó sing tsa nga may mga galyitas!— sabát sang masinulundon nga seminarisa: seminarisa:— sa maayo nga palad walâ sing bisán isá siní nga mga ilimnon nga mabilang nga katolisismo.
—Apang, mahimò mo balá...? — Pamangkot ni Victoria.
—Mainúm man sing tsokolate? Nagapati na akó sinâ. Lamang nga ang pamahaw indì maawát kaayo...
Matahúm sadto ang aga: ang mga tubig nagsugod sa pagkinilankilan, kag sa kasanag gikan sa langit kag sa kinilankilan sang tubig, may kasanaaw nga umiwag sa mga butáng, nga walâ magtuga sing mga landong, isá ka kasanaaw nga masili kag lab-as, nga napun-an sing mga duág, nga makità naton sa pilá ka kadagatan.
Halos ang tanán malipayon, naghalaklo silá sang mahinay nga dupoydupoy nga nagsugod sa pagbugtaw: patí ang mga ilóy, nga napun-an sing mga pagpangandam kag mga pagpatimaan, nagkinadlaw kag naglinahugay.
—Nadumdomán nimo?— Silíng sang isá kay kapitana Tikâ. —Nadumdomán nimo sang pagpaligò naton sa subâ, sang mga dalaga pa kitá? Hinali lamang anuron sang sulóg sa mga sulosakayan nga hinimò sa punò sang saging ang mga bungangkahoy nga nanarîsari sa tungâ sang mga bulak nga mahamót. Ang tagsa may dalá nga hulohayahay diín nabasa naton ang aton mga ngalan...
—Kag kon magbalik kitá sa baláy? —Sugpon sang isá nga
walâ anay pagpatapusa ang nahauná. — Masapwan naton nga ang
mga taytay nga kawayan gubâ na kag kinahanglan nga mag-ubog
kitá sa mga sapâ . . . Ang mga ulitán!
—Huo!—Siling ni kapitana Tikâ.— Apang pasulabihon ko nga bas-on ang mga sidsid sang akon palda sangsa buksan ko ang akon mga tiíl: nasayran ko nga sa mga gamhon sa pangpang may mga matá nga nagtalan-aw.
