This page has been validated.
192
luyó sang kulokatyàon nga tubig sang sapâ mamahaw sila sa tungâ sang kabulakan kag hinimò nga mga hayubhayob.
Ang lanton gumuób sa taliwalà; ang asó gikan sa mga kalán tumub-ok paibabaw nga malipayon sa banhay sang magagming nga mga buhawi; ang tubig nag-amba sa sulód sang mainit nga sulodian, ayhan mga tinagâ nga pahalipay sa patáy nga mga isdà, ayhan sa pagpaitin-itin ukón sa paglahóg; ang bangkay sang buaya nagkaya, pumakità gilayón sang iya maputi kag nasiad nga tiyán, subong man ang iya dinuagán kag lumuton nga likód, kag ang tawo, nga pinasulabi sang kinaugali, walâ pag-ayawi sang madamò nga pagpamatáy sunô sa ginsilíng sang mga Bramin ukón sang mga makiutan.
