ka sapâ, nga nahimò gikan sa nagkalainlain nga mainit nga mga
busáy katulad sang madamò nga yarà sa kunsarán sang Makiling.
Nanginpuní sa iya mga higad ang mga bulak nga ilahas, nga ang
kadamòan sini wala pa makabaton sang mga ngalan nga linatín,
apang wala'y duhadoha nakilal-an na sang bulawanon nga mga sapát-sapát, sang mga alibangbang nga magagmay kag dalagkò kag
sa tanan nga duág, asúl kag bulawan, mga putî kag itúm, mga
kambang, daw mga batomaidlak, mga duág nga katulad sang mga
paboreal, nga may mga rubí kag mga esmeralda sa ila mga pak
pak, kag sang linibulibo nga sapátsapát nga nagkinilankilan nga
daw mga metal nga nauyakopán sing binukbok nga bulawan. Ang
hinagong sini nga mga sapátsapát, ang hinuni sang mga kikik nga
nagagahod sa adlaw kag gab-i, ang amba sang pispis, ukón ang
mahinay nga kulas sang mabali nga sangá nga madagdag kag masangit sa tanan nga bahin amó lamang ang nagtublag sang kalinóng sang amó ka makatilingala nga duóg.
Nanglighot siá anay sa tungâ sang nagaluok nga mga balagon, nga iya ginlikawán ang mga tunók nga nagpanghawid sa iya sotana nga ginggon nga daw hawiran siá, ang mga gamót sang mga kahoy nga naggulwâ sa dutà nga nagpasandad sa tagsa ka tión sa wala maanad nga manoglakat. Dumulóg siá sing hinali: masadya nga tinalangkaw kag lab-as nga mga tingog nagdangat sa iya mga duloggan, ang mga tingog kag mga tinalangkaw naghalín sa sapâ kag nag-amát hilapít.
—Tan-awon ko kon makakità akó sing pugad.—silíng sang isá ka matahúm kag matam-is nga tingog nga nakilala sang kura, —luyag ko sia makità nga indi niya ako makità. luyag ko siá sundon sa tanan nga hilít.
Nanagò si P. Salví sa likód sang isá ka daků nga punò sang kahoy kag mamatì.
—Ang buót silingón nga luyag nimo himùon sa iya ang ginahimò man sang kura sa imo, nga bantayán ka sa tanán nga hilít? —Sabát sang isá ka masadya nga tingog. — Mag-andam ka kay ang mga kaimon nagapaniwang kag nagapadalum sang mga mata!
—Indi, indi mga kaimon, kundi aháw lamang nga pagpanges yoso! —Sabát sang tingog nga bilóg, samtang ang masadya humambal uli: Hùo, mga kaimon, mga kaimon!— Kag magtalangkaw.
—Kon akó ang may kaimon, sa baylo nga akó ang magpa-
