nigadlum, siá ang panigadlumón ko agúd nga walâ sa iya sing
makakità.
—Apang indì man ikaw sa iya makakità kag inâ indì maayo. Ang maayo nga kon makità naton ang pugad, idulot naton sa kura, agúd nga makabantay siá sa aton nga indì na kinahanglan nga makità naton siá, indì balá maayo?
—Wala ako nagapati sa mga pugad sang mga tulabong,— sabát sang isa ka tingog. Apang abi kon kis-a may mga kaimon ako: makahibaló na akó magbantay kag magpanigadlum.
—Kag paano? Kag paano? Nga katulad abi sang isá ka Sor Escucha?
Masadya nga kilinadlaw ang tinuga sini nga pagdumdom sang kolehiyala.
—Nahibal-an na nimo kon anó ang paglag-it namon sa iya. kay Sor Escucha!
Nakità ni P. Salví kutob sa iya ginpanagòan sanday María Clara, Victoria kag Sinang nga nagalibot sa sapâ. Ang tatlo naglakát nga ang ila mga matá naunáy sa daw katyà nga mga tubig nga nagpangitâ sang makatalanhagà nga pugad sang tulabong nagkalabasâ silá tubtob sa tuhod, nga ang malapad nga mga pligis sang ila mga saya nga inogpaligò nagpakità sang makailila nga mga hanul sang ila mga batiis. Ang ila mga buhók nagbunghayan kag hublas ang ila mga butkon kag nagtabon sa ila dughan ang bayù nga may malagpad nga mga guray kag masadya nga mga duág. Ang tatlo ka pamatan-on samtang nga nagpangitâ sang butang nga indì makità nagpanguhà sing mga bulak kag mga utanón nga nagpanubò sa higád sang sapâ.
Ang Acteón³ nga pari nagtulok nga nagpalangluspad kag walâ makahulag sa among' hublas nga Diana; ang iya mga matá nga nagkililán sa iya masagil-um nga mga ilalakób walâ makapuyi sa pagkailà sadtong maputi kag nabanhay sing maayo nga mga butkon, yadtong makaililà nga liog nga nagsugod sa dughan; ang magagming kag mapulapola nga mga tiíl nga nagpakighampang sa tubig, pumokaw sa iya makaluluoy nga pagkatawo sang nabag-uhan nga mga balatyagon kag nagpabun-ag sing bag-o nga mga kaisipán sa iya mainit nga utok.
Sa likód sang likòan sang sapâ, sa tungâ sang madabong nga kawayanan, nadulà ang matam-is nga mga panglawasón kag indi
________________
(3) Acteon —Isá iní ka mangangayám nga, suno sa Mitolohiya, nahimo nga usa kag ginkaon sang iya kaugalingon nga mga idu, tungod nga iya ginlingling si Diana sa sulod sang palaligoán.
