makaagda gilayón sang igtalupangod sa isá ka pagtulok: katulad
siá siná'ng kabulakan sa kaumhan nga walâ sing duág bisán ka
amyon nga makità naton nga nahaway, nga ang ila katahúm makità lamang naton kon usisàon sing maayo, mga bulak nga wala
makilal-i, mga bulak nga kulang sing kahamót.
Masunson nga ginahaboy niya ang iya panulok sa lawód, nga ang tubig daw ginaukay, dinulogan niya anay ang iya ginahikot kag namati sing maayo, apang sanglit walâ man siá sing nabatìán pinadayon niya ang iya pagtahî nga guminhawa sing diutay.
Apang ang iya nawóng sumanag sang mabatián niya ang mga tikáng. Binayàan niya ang pagpanahi, tumindog, hinipid ang mga pligis sang iya bestido kag bumantay nga nagayuhóm. sa luyó sang diutay nga hagdanan nga kawayan.
Ang mga pating nagalulopád, ang mga pato kag mga manók nagaginahod kag nagakinakak kag ang mahipos nga timoníl sumampot nga nagapas-an sing mga inoggatóng nga kahoy, kag isa ka balagubay nga saging nga mahipos binutáng niya sa dutà, samtang nga hinatag niya sa pamatan-on nga babáe ang isi ka haluan nga nagahulag pa kag nagakiwûkiwô.
Sinusi niya ang pamatan-on sa indi mahamtang nga panulok, sang ulihe binutáng niya ang isdà sa sulód sang isá ka batiya nga punô sing tubig kag bumalik siá sa pagkuhà sang iya talahion nga nagpungkò sa luyó sang timonil nga walâ man gihapon maghambal.
—¡Abi ko anay makarí ka nga maagi sa lawód, Elías!— hambal niya nga sinugdan ang pagsugilanon.
— Wala ko mahimò, Sálome, —sabát ni Elías sa mahinay nga tingog,— ang paraw sang pangulohán nag-abót kag nagapang lighot sang bug-os nga linaw.
—¡Diwa ko! Diwa ko! —Kíbot sang lin-ay nga nagatulok kay Elías nga natublag ang iya balatyagon.
Bumulós ang madugay nga kalinóng. Ang timoníl mahipos nga nagtulok sa malubay nga mga sangá sang mga kawa- yan nga nagahiláyhilay sa pihák kag pihák nga nagapahulag sang iya daw sibát nga mga dahon.
—¿0. nakapangalipay ka sing maayo? — pamangkot ni Salomé.
—¿Nakapangalipay? ¡Silá, silá ang nakapangalipay!— sa- bát sang ulitawo.
