María! Wala ako makatulóg adlaw kag gabi sa pagpaabót
sang taknà sa hapon nga imo inag-abót! Sadto sang walâ pa
nakon ikaw makilala, sang buhî pa ang akon makaluluoy nga
ilóy, sa akon, ang aga kag gab-i amó ang labing' matahúm
nga mga tinuga sang Dios: ang aga tungod kay makità ang
pagbutlak sang adlaw, ang pagsilak niya sa tubig sa lawód nga
sa iya madulóm nga kadadalman nagapahuway ang akon amáy.
kay sa akon lab-as nga mga himulák nagapalunhaw liwat sang
ila mga dahon nga sang nagligad nga adlaw naglalayóng; ang
akon mga salampati kag mga manók nagabaton sa akon sing
malipayon nga daw nagahatag sing maayong' adlaw; ginahigugma ko ang kaagahon, kay sa tapos ko matatap ang payág,
makadto ako sa akon tulotyanggi sa pagbaligyà sing mga pagkaon sa mga mangingisda nga nagabatag sa akon sing mga isdà akón nagapahanugot sa akon sa pagpanguhà sang mga isdà
nga nagakalabilín sa mga punà sang sensuro. Ginahigugma ko
man ang gab-i nga nagahatag sa akon sing kalinóng sa silong
sini nga kawayanan, sa lanton sang ila mga dahon, nga malimutan ko ang nagakahanabò, kag tungód nga ang gab-i nagapabalik sa akon sang akon ilóy; nga ang pangginggi nagapahi
layo sa akon nga yarà sa luyó ko kon adlaw. Gani, nga kutob
sang makilala ko ikaw, ang aga kag ang gab-i nahanugód sa
akon nadulaan na sang ila mga kagayunan, ang hapon na lamang ang may katahúm. Ginaaninaw ko kon kis-a nga ang
aga gintuga sa pagpangaman sang paghimulós sang mga katam
is kon hapon, kag ang gab-i sa pagdamgo kag pagpangalipay
sang mga handumanan kag pinukaw nga mga balatyagon
Hùo nasandig lamang sa pagpadayon sang
kabuhi nga akon ginadalá... Ang Diwa nakasayod nga malipayon ako kaayo sa
akon kapalaran, walâ akó sing liwan nga ginanandum kundi
ang maayo nga lawas agúd makapangabudlay; walâ akó pag
sabít sa manggad sang ibán, apang...
— !Apang?
—Walâ, walâ akó sing butáng nga ginasabitán samtang ginaangkon ko ang imo kahirop.
—Salomé,— sabát sang ulitawo nga may tuman nga kasubô, —nahibal-an nimo ang akon mapintas nga kahapon kag ikaw nakasayod nga ang malaot ko nga kapalaran indi nagikan sa akón! Kon indi lamang tungód sini nga hitabô nga
