nga sa kamatuoran amó ang labing' kubós nga akon mapusian.
Ayhan isá akó ka matuodtuod nga buang kag silá ila mga maalam,
sin-o ang saráng makahambal sina?
Kag ang tigulang naglungôlungo sa pagpaiway bilang sang isá ka panghunâhonà kag nagpadayon:
—Ang ikaduhá nga matudlò ko sa imo nga magpangonsulta ka sa kura, sa gobernadorsilyo, sa tanan nga tawo nga may katungdanan: silá magahatag sa imo sing malain, binuang kag wala'y pulós nga mga pagtudlò, apang ang magpangonsulta indì buót silingón nga patihon mo, sa hayág sundon mo silá sa imo mahimò kag ipakilala nga nagahikot ka sunô sa ila luyag.
Si Ibarra makatión nga nanghunâhonà kag sang ulihe sumabát: —Ang imo ginatudiò maayo apang mabudlay nga sundon. Indì balá nakon mapadayon ang akon ginaisip nga indì malambungán sang isá ka landong? Indì balá mahimò ang butang nga maayo wala'y sapayán sang tanán sanglit ang kamatuòran indi kinahanglan mangayo sang pinahulam nga inogpanapót sa salâ?
—Walá sing nagahigugma sang hublas nga kamatuòran tungód sinâ! —Sabát sang tigulang. —Maayo lamang inâ kon hambalón, mahimò sa kalibutan nga ang pamatan-on magdamgo. Yarà ang manunudlò sa kabataan nga naghulag sa waáy lawas; may ta gipusuon sang bata nga maluyag sang butang nga maayo kag nakabaton lamang sing yagutâ kag hinarakhak. Nagsiling ka sa akon nga ikaw isá ka dumolùong sa imo pungsod, nagapati akó sinâ. Kutob sang nahauná nga adlaw sang imo pag-abot, nagsugod ka sa pagpilas sang balatyagon sang isá ka pari nga may kabantugan nga isá ka santos sa mga tawo kag maalam sa mga kasubong niya. Itugot sang Diwa nga iní nga tikáng indì makahukóm sa imo palaabuton. Ayaw ka magpati nga, tungod kay ang mga dominiko kag mga agustino nagatulok nga may pagtamay sa sotana nga ginggon, sa kordon kag sa mahigkò nga hapín sa tiíl: tungod kay ginpahanumdom anay sang isá ka dalagangan nga doktor sang Sto. Tomas nga ang Papa Inocencio III nagbilang nga ang mga palatukorán siní nga talapùanan sa pagtulùohan labíng' bagay sa mga baboy sangsa mga tawo, walâ silá tanán paghilisugot sa pagpamatuod sang ginhambal sang isá ka mangwawali: "Ang labing" kubós nga timawà makahimò kapin sangsa Pangulohán lakip sang tanán niya nga mga soldado." Pag-andam basi ka mahulog! (Cave
