akon kag limuton sang pari ang iya dumót? Mabulig ayhan silá
sing talunghayag sa kaayuhan sang pagpanudlo nga magaagaw sa
mga kombento sang mga manggad sang pungsod? Indì silá ma
kapakita nga may kahirop, magpakunókuno nga may pagbulig,
kag sa idalum, sa mga landong, sumpungón, padihutan, pilasan sa
dapádapá agúd malingkang gilayón sangsa sumpungón sa atubangan? Sandig sa mga nagkahanabò nga imo ginahunâhonàan ang
tanán sarang mapaabót!
Ang tigulang humipos nga indì makasabát. Nag-isip siá anay kag magbalos:
—Kon inâ mahanabò, kon ang imo proyekto indi madayon, malipay ka sa paghunâhonà nga ang tanán ginhimò mo sa sulód sang imo masarangán, kag bisán pa nga amó iní, may diutay ka nga natigayon: ang pagbutang sang nahauná nga bató, ang pagtanúm; tapos mapùas ang bagyo, ayhan may manubò nga binhi, nga mabilía nga buhi sa unós nga mag-agi, malwás ang tanúm sa kalaglagan kag amó sa ulihe ang kuhaan sang bag-o nga binhì sang mga anak sang tagtanúm nga namatay. Ang pananglitanan sarang mahimo nga palanganinawan sang ibán nga nahadlok lamang magpanugod.
Si Ibarra nagpainuino sini nga mga katarungan, nakita niya ang iya kahimtangan kag nakahangóp siá nga wala'y sapayán sang iya pagpangduhadoha, ang pilosopo may daků gid nga katarungan.
—Nagapati ako sa imo! — Hinali nga nabungát niya nga tinanay niya sa iya ang iya kamot. Walâ akó magsayóp sa pagpaabót sang maayo nga pagtudlò. Karón nga daan makadto akó sa pagpakigtalunghayag sa kura, nga sa katapusan walâ sing mahimò sa akon nga malain kag dapat nga mangín-maayo, kay indi ang tanán kaangay sang naghingabót sa akon amáy. Tigayunon ko pa ang iya kabalaka sa sinang' malaot sing palad nga buang kag sa iya mga anák: nagasalig akó sa Diwa kag sa katawohan
Nagpaalam siá sa tigulang kag, sumakay sa kabayo, tumaliwan siá.
—Magtalupangod! — Kibot sang may pangduhadoha nga pilósopo nga sinunod niya siá sang iya panulok. Panilagan naton sing maayo kon anó ang pagpagwâ sang kapalaran sang komedya nga ginsugdan sa patyo.
Sa karón sa pagkamatùod nagsayóp siá: ang komedya nasug. dan na sing madugay.
