—Nasayran ninyo kon anó ang aton patindugon? Isá ka buluthòan nga sulondan sa iya sari, katulad sang sa Alemania, maayo pa gani! Ang plano hinimo sang arkitekto nga si Gg. R, kag akó ang nagadumala sang pagpatindog! Hùo, ginùo: tan-awón mo, iní mangín-isá ka palasyo nga may duhá ka paků; ang isá sa kabataan nga lalaki kag ang isá sa kabataan nga babae. Dirí sa tungâ, isá ka hardin nga may tatlo ka busáy; didto sa mga higád, mga kahúykahóy, magagmay nga mga talamnan agúd ang kabataan nga lalaki makatanumtanom kag makapatubo sing mga talamnunon sa mga tinakna sang paglingáwlingaw, agúd mahimuslan nila ang panahón kag indì mausikan. Tan-awá kon anó kadalum sang mga sadsaran! Tatlo ka metro kag kapitoán kag limá ka sentimetro! Ang baláy may mga bodega, may mga alagyan sa idalum, mga hulunongán sang mga matamad magtuluón kag malapit, malapit kaayo sa mga hinampang kag halampangan agud ang mga masilutan makapamati kon ano ang paghilinampang sang mga mahugod sa ila pagtuon. Nakita ninyo ina'ng daku nga nakawaan? Amo ina ang dalalhayan diin ang kabataan madinalagan kag malinumpat sa hilway nga hangin. Ang kabataan nga babae butangan sing hardin nga may mga pulungkoan, mga kulumpyo, mga alameda5 nga halampangan sang markauna, mga busaybosay, mga hawla sa mga pispis. kag iban pa. ngin malahalon!
Kag si Nyor Juan nagbulobag-id sang iya mga kamot, nga nagpanganinaw sang kabantugan nga iya makuha. Makari ang inga dumoluong sa pagtan-aw sina kag magapamangkot: Sin-o ang dalagangan nga arkitekto nga nagpatindog sini? — Wala kamo makasayod? Daw sa butig nga wala kamo makakilala kay Nyor Juan! Sa wala'y duhadoha naghalin kamo sa labing' malayô!— Masabat ang tanan.
Sa sini nga mga panghunahona naglakatlakat sia halin sa isa ka utbong pakadto man sa isa, nga ina iya gin-usisa tanan kag gintan-aw ang tanan nga butang.
—Kapin kaayo ang kahoy nga indi madala sang isa ka inogbalak! Siling niya sa isa sa ka tawo nga nagpalangdalág nga nagdumala sang pila ka mamumugón.— May tuman ako nga tatlo ka malagba nga tablon nga ginhimo nga trípode kag tatlo pa nga magsakdag sa ila kaugalingon!
____________________
(5) Alameda —Alagyan nga mga kilid magtimbang netamnan sang mga alamo ukón mga kahoy nga makapahandong.
