Ina iya indi ko pakaisa— sabat ni Sinang nga maalikaya, — isa ka anak sang akon tiya.
Nag-agi sila sa atubangan sang balay sang parokya, nga sa pagkatutuo indi isa sang indi masadya nga mga bahin sang banwa. Indi mapunggan ni Sinang ang iya balatyagon sa katingala sang makita niya nga nagsiliga ang mga lampara, mga lampara sa ban hay nga dinumaan nga si P. Salvi indi magpahanugot nga sindihan agud indi makahinguyang sing agas. Nabatian nila ang mga sininggit kag ang dalayon nga tinalangkaw, nakita ang mga prayle nga nagdayan sing malagnay nga naghulag sa kompas sang ila ulo kag sang dalagko nga piyukos nga nagapuni sa ila mga bibig. Ang mga timawa nga nakasimpon sa ila nagbimulat sa pag-ilog sang ginhimo sang mga maayo nga matinuohon. Sa mga panapdt nga europanhon nga ila ginsuot, dapat nga sila mga alagad ukon mga pinuno sang puod.
Nakilal-an ni Maria Clara ang mabunog nga dagway ni P Damaso sa luyo sang tadlong nga lambong ni P. Sibyla. Wala paghulag sa iya duog amo ang makatalanhaga kag mahipos nga si P. Salvi.
—Nagakasubo sia!—Hambal ni Sinang. — Nagapanumdom sia kon isa ka ano ang iya mahinguyang sa madamb nga dumuloaw. Apang masayran ninyo nga indi man sia ang mabayad. kundi ang mga sakristan. Ang iya mga dumulbaw masunson makaon man lang sa iban.
—Sinang!—Tablaw sa iya ni Victoria.
—Indi na nakon sia mabatas kutob sang magisi niya ang aliling sang kapalaran; indi na ako magkompesar sa iya.
Sa tunga sang tanan nga kabalayan napasahi ang isa ka balay nga wala sing suga, kag wala man mabuksi ang iya mga bintana: balay yadto sang alperes. Natingala sina si Maria Clara.
—Ang aswang! Ang isbing sang gwardya sibil, suno sa hambal sang tigulang!—Hambal nga may kahangawa sang indi malibutay nga Sinang. — Ano man ang labot niya sa aton pagkinalipay? Ginaabot ayhan! Paabuta ang kolera kag makita mo kon daw ano nga badu ang iya hiwaton.
—Apang, Sinang!—Tablaw liwat sang iya pakaisa.
—Indi ko na gid sia maantos kutob sang mapatublag niya ang aton badu sa iya mga gwardya sibil. Kon ako an? Arsobispo. ipakasal ko sia kay P. Salvi... makita mo kon ano ang ila mga
