This page has been proofread.
244
Si María Clara maluyag na nga magpauli kay wala na siá masadyahí kag nadulaan sing maayo nga buót.
—May mga tawo man nga indì malipayon! Kibot niya. Sang pagsampot sa ganhàan sang iya baláy, binatyag niya nga nagdugang ang iya kasubô sang makità niya nga ang iya kahagugma indi magsakà kag nagpaalam:
—Kinahanglan gid! —Silíng sang pamatan-on nga ulitawo. Sumakà si María Clara sa hagdanan nga nagpanumdom kon anó kagamó sang mga adlaw sang pandot kon mag-alabót ang mga dumulòaw gikan sa ibán nga kabanwahanan.
