labing' maayo gikan sa Pagsanjan, nga iya sang Gg. Eskribano,
Don Miguel Guevara, kag ang kadamoan nga insik kag mga
indyo, nga tungod sang batasan sa pagkamabulungon sang nahauna kag sang pagkamatinuohon sang ikaduha, naghulolat sila
nga may paghandum sang adlaw nga hiwaton ang maligdong
nga pandot sa pagtan-aw sang mga talan-awon nga komiko-mi-miko-liriko-koryograpiko-dramatiko, nga sa amo nga katuyban
may pinatindog nga isa ka daku kag masangkad nga palagwaan
sa tunga sang plasa.
“Sang ikasiam sa gab-i sang ikanapulb nga adlaw, nga tughapon sang pandot, sang matapos ang bugana nga panihapon nga gindulot sa amon sang Hermano Mayor, tinawag ang igtalupangod sang pila ka katsila kag mga prayle sa kombento, sa mga lanton sang duha ka banda sa musika nga ginbuylogan sang madamb nga tawo kag sang linupok sang mga kohete kag mga rakamara, kag ginsundan sang kadalagkban sa banwa, nag-alabot sa kombento sa pagkuha sa amon kag sa pagdul-ong sa amon sa duog nga naaman kag napatungod sa amon sa tuyb nga makakita sang talan-awon:
“Nagpasunod kami sa amo kamahamuot nga dulot wala’y sapayan nga palabihon ko kuntani ang pagpahuway sa mga butkon ni Morfeo kag maghatag kapahuwayan sa akon nagpalanakit nga kalawasan, salamat sa mga salakyan nga gintanyag sa amon sang gobernadorsilyo sang banwa sang B. 3
“Gai nga nagpalanaog kami, kag nagkadto kami sa pagpangita sang amon mga kaupdanan nga nagpalanihapon sa balay nga sa sini nga banwa may iya ang maluluy-on kag maalwan nga D. Santiago de los Santos. Ang kura sang banwa, ang labing’ talahuron nga P. Fr. Bernardo Salvi, kag labing’ talahuron nga P. Fr. Damaso Verdolagas, nga sa pasahl nga kaliioy sang Makaako nag-ayo na sa kasakitan sang di-matinuohon nga kamot nga pinadapat sa iya, kabuylog sang labing’ talahuron nga P. Fr. Hernando de la Sibyla kag sang matarong nga kura sang Tanawan kag iban pa nga mga katsila, pinangagda sa balay sang dalagangan nga pilipinhon. Didto nakadayaw kami indi lamang sang pagkamadayaw kag sang pagkamapili sang mga tag-iya sang balay, nga indi masami makita sa mga tumandok, kundi sa malahalon, maayuayo kag manggaranon nga manunobli, nga nagpakita nga isa ka sampaton nga gintuton-an ni Sta. Cecilia3 nga
_____________________
(2) Banwa sang B — Amo ayhan ang Binan sa puod sang Laguna. (3) Gintuton-an ni Sta. Cecilia — Maayo nga pyanista. Ini nga sari sang pulolungon ginatawag nga metonimia sa kinatsila, nga ginsal-i ang liwan nga tinaga sa tunay nga inoghambal. Si Santa Cecilia amo ang santang’ patrona sa musika.
