lwás sang mga linupok nga nakatublag kag nakapabungól sa
akon, nalapyò akó kaayo kag ginatuyó na akó. Gani, samtang
nga ginapaumpawán ko ang akon lawas sa mga butkon ni Morfeo
ukón sa katre sang kombento, ginapangabáy ko sa imo, kinilala
ko nga abyan, ang maayo nga gabi kag tubtob bwás nga amó
daku nga adlaw.
- Ang imo mahirop nga abyan n.n.si.k.8
- Ang tinugyanan."
- Ang imo mahirop nga abyan n.n.si.k.8
S. Diego ika-11 sa Nobyembre.
Amó iní ang ginsulát sang maayo nga tinugyanán. Tanawón naton karón kon anó ang ginsulát ni Kpn. Martin sa iya abyan nga si Luis Chiquito.
"Mahál nga Choy: Dalagan ka sa pagkarí kon mahimò kay ang pandot tuman kasadya: hunâhonàon mo nga si Kpn. Joaquin nawad-an na sing bangka: napiloán siá sing makatlo ni Kpn. Tiago kag ini nga tatlo lunsay sa panampad sang baraha, nga tungód siní si Kabesa Manuel, ang tag-iya sang baláy, nagpalangu pos sa kalipay. Si P. Dámaso bumokâ sa isá ka sumbag sang lámpara kay tubtob karón walâ siá makadaóg bisán isá ka baraha: ang Konsul naparot sa iya mga manók kag sa bangka naparót ang tanan nga amon nadaóg sa amon nadaóg sa pandot sa Biñang kag sa Pilar sa Santa Cruz.
"Ginhulát namon nga dal-on ni Kpn. Tiago ang iya palaabuton nga umagad, ang manggaranon nga manunobli ni D. Rafael, apang daw luyag niya ilugón ang iya amáy kay walà gani siá magpakitâ. Kanugon! Daw sa indì gid siá mapuslan.
"Si Insik Carlos nagahimò sing isá ka daku nga manggad sa liam-pó; namutikán ko nga may ginadalá siá nga daw iya ginal tagò, ayhan isá ka anting-anting; nagapanumbunganon siá sa dalayon sa mga sakit sang iya ulo nga iya ginabugkosán, kag kon ang aliling sang liampo magdulog sing inanáy, madukô siá nga daw tandugón niya, nga, daw iya ginapanilagán sing maayo. Indì akó mahamtang tungod kay nasayran ko ang ibán nga nagkahanabo nga kaangay man siní.
"Paalam Choy; maayo ang lakát sang akon mga manók kag ang akon asawa malipayon kag nagakalingáw.
- "Ang imo abyan,
- MARTIN ARISTORENAS."
_______________________
(8) N.n.s.i.k. —Nga nagahalók sa imo kamót.
