kag nagtangla sa langit. Sang makita sia nga nagbaton sang aso
sang kamangyan, sarang masiling nga si Galeno -may atarungan"2
sa pagpaagi sang aso sa mga bubo sang iiong pakadto sa bagul,
kay tumadlong pa gid sia, pinilak palikod ang iya ulo, tumikang
sang ulihe pakadto sa tunga sang halaran nga may kaukag kag
kaligdong nga nakita sia ni Kpn. Tiago nga naglabi pa gid kaharianon ang iya panghulag sangsa komedyanteng’ insik sang gab-i
nga nagligad, nga nagpanapot nga daw emperador, napintahan
sing pasapayan, nga sa likod may magagming nga mga hayahay,
may bungot nga bungaybongay sang kabayo kag mga tsinilas nga
mataas sing mga takon.
—Sa wala’y duhadoha, — hunahona niya, — ang bugtong naton nga kura labi nga may pagkaharianon sangsa tanan nga emperador.
Sa katapusan nag-abot ang ginhandum nga tion sa pagpamati kay P. Damaso. Ang tatlo ka pari nagpulungko sa ila mga silyon sa gawi nga matadlong, suno sa ginsiling sang dungganon nga tinugyanan; ang Alkalde kag ang iban pa nga mga tawo nga may bug-at kag talahaon nag-ilog sa ila; ang musika nag-untat.
Ang pag-untat sang ginahod nga binuslan sang kalinong nagpabugtaw sa aton tigulang nga babae nga si Utod Put! nga naghuragok na, salamat sa musika. Katulad kay Segismundo3 ukon katulad sang kosinero sa sugilanon ni Dornroschen, ang una niya ginbuhat sang iya pagbugtaw amo ang paglagpi sang iya apo nga babae sa liog nga nagtulog man. Ini suminggit, apang nalingaw gilayon sang makita niya ang isa ka babae nga naghampak sang iya dughan nga nagpati kag ginkunyag.
Ang tanan naghilimulat sa pagpahamtang sang ila kaugalingon sing maayo, yadto’ng wala sing mga bangku nagkalatinkatin, ang mga babae nagpulungko sa duta ukon nagsinabakay.
Umagi si P. Damaso sa tunga sang kadam-an, nga gin-unahan sang duha ka sakristan kag ginsundd sang isa ka prayle nga nagdala sing isa ka dakd nga kwaderno. Nadula sia sang makasaka sa hagdanan nga naglibutlibot, apang pumakita man gilayon ang iya manipulon nga ulo, sang ulihe ang iya daku nga liog kag
________________________
(2) Si Galeno may katarungan — Eupemismo ini, sa pagsiling nga ang aso nagsaka sa iya ulo, ukon sa pagpabugal sa wala sing kabangdanan, nga nagapakunokuno nga yara sia sa isa ka mataas nga palangakoan, pagpakahubog sa kahimayaan nga indi tutuo.
(3) Segismundo — Ang tagdala sang pangunang’ papel sa sinulatan ni Dn. Pedro Calderon de la Barca nga, “La Vida es sueno.
