dunot nga naghambal sa isa ka hinadlukan nga utod: amo ini ang
pagbulong sina nga masakiton! O kaluoy nga Kristuhanon! O
pagkamaluluy-on nga wala’y katulad! O birtud sang mga birtud!
O! indi mailog nga huwaran! O batobalani nga wala’y dagta!..
Kag ginpadayon niya ang isa ka malawig nga listahan sang mga pulolungon, nga iya ginkrusimano ang iya mga butkon, ginbatak kag ginpaidalum nga daw luyag niya paluparon kag tabugon ang mga pispis.
“Sang wala pa sia mapatay naghambal sia sa linatin nga wala makatuon sang linatin! Magpaningala kamo, mga makasasala! Kamo wala’y sapayan nga ina ginatun-an ninyo kag sa pagtuon ginahanot pa kamo, wala kamd paghambal sang linatin, mapatay kamo nga indi sina makahambal! Ang paghambal sang linatin isa ka bugay sang Diwa, gam nga ang Simbahan nagahambal sing linatin! Ako nagahambal man sang linatin! Ngaa? Idumili bala sang Diwa ini nga kahigayunan sa iya pinalangga nga si Diego? Sarang sia mapatay, sarang sia mapabay-an nga mapatay nga indi makahambal sang linatin? Ang Diwa indi mangin matarong, indi mangin Diwa! Gani nga naghambal sia sing linatin kag makasaksi sini ang mga manunolat sang amo nga panahon!” — Kag tinapos niya ang iya wali nga may isa ka bahin nga nakahatag sa iya sing kabudlay nga iya hinuwad sa isa ka daku nga manunolat, nga si Fr. Sinibaldo de Mas9
“Hand nagayaob ako sa imo, mangin-alamon nga Diego, kadungganan sang amon kumboyahan! Ikaw ang sulondan sang pagkamatarong, wala’y bugal nga dungganon; mapailubon nga may pagkabilidhon; masinulundon nga may kabakod; may kabugnaw nga mahinandumon; kaaway nga may pag-unong; mabinatyagon nga mapinatawaron; matinuohon nga may ipalatugsiling; mapinatihon nga may pagkahamuot; matinuohon nga talunghayag; putli sa paghigugma: mahipos sa lilikman; nagabatas sa paghulat; maisog nga may kahadlok; mapailubon nga may kabubut-on; makahas nga may pat-od nga buhaton; matinumanon nga masinulundon; mahuluy-on nga dungganon; mahalungon sa iya ginaatipan nga wala paghingamd; batid nga may ikasarang!
________________
(9) Fr. Sinibaldo de Mas — Tawo nga tumalagsahon sing kinaadman sa isip kag madamo sing natun-an, ministro sia sang Espana sa China, kag tungod sa paglain sang kahimtangan sang iya lawas ginpilit nila sia sa pagpuyo anay sa Filipinas, diin iya ginsulat ang iya kinilala nga mga hilisayran nahanungod sa kahimtangan sang Filipinas sang 1842, nga ginbalhag sa Madrid sang 1843.
