—Kura? Prr! Kura? Ang doktor nagasukót sing madamò nga kwarta; ang mga masakitón nagahangád sa iya, kumare!
—Pamatii! Ang kura, sa paglisò lamang sing makatlo ukón makap-at kag magsilíng nga déminos pabiscum,(3) kaunon niya ang Diwa kag mabaton sing kwarta. Ang tanán lakip ang mga babae nagasugid sa iya sang ila mga likúm!
—Kag ang doktor? Ngàa anó ang hunâhonà nimo sang doktor? Ang doktor makakità sang tanán nga yarà sa babác, nagauyat sang pulso sang mga dalaga... Akó lamang maluyag nga mag-doktor sa isa ka semana!
—Kag ang kura? Ngàa ang kura indì man balá makakità sang makità sang inyo doktor? Kag kapin pa gani! Nasayran na ninyo ang hurubaton; ang matambok nga manók kag matibunog nga pàa iya sang kura!
—Ti anó? Nagakàon ang mga médiko sang mga ugá mga tabagak? Masamad balá ang iya mga tudiò sa pagkaon sang asín?
—Nagapahigkò ang kura sang iya kamót katulad sang inyo mga médiko? Tungód sinâ may dalagkò siá nga mga asyenda, kag kon magpangabudlay, nagapangabudiay nga may músika kag nagabulig sa iya ang mga sakristan! tón?
—Kag ang pagkompesar, kumare? Indi balá isá ka hiliku —Indì isá ka hilikuton! Luyag mo nga pakompesahón ang tanán! Anó ang pagpangabudlay kag pagpabalhas naton sa pagpangusisà kon anó ang ginahimò sang mga lalaki kag sang mga babae, ano ang ila sang aton mga kaingod Ang kura wala sing ginahimò kundi ang magpungkò, kag ang tanan nagasugid sa iya; kon kaisá nagatulog siá, apang nagahimò siá sing duhá ukón tatlo ka bendisyon kag mahimò kitá liwát nga mga anák sang Diwa! Maluyag na ako nga mangín-kura isá ka hapon sang kwaresma.
—Kag ang... ang magwali? Yanâ ayaw mo pag-isugid sa akon nga indi hilikutón. Tan-awá kon daw anó ang pagpabalhas karón nga aga sang matambok nga kura! — Pamatok sang tawo nga bumatyag nga daw ginalutos siá.
—Ang pagwali? Isá ka hilikutón ang pagwali? Diin ang imo panumdoman? Akó kon mahimò maluyag maghambal sing utód sa adlaw, sa walihán, nga magsawáy kag magpakig-away sa
_________________________
(3) Déminos pabiscum— Ang igu nga linatín. Dominus vobiscum. Kon sayuron, "Ang Ginuo magbuylog sa aton
