tanán, nga walâ sing isá nga mangahás sa pagsabát, kag tungód sinâ bayaran pa akó! Maluyag na akó nga mangín-kura sing indi magkapín sa isá ka aga samtang nga yara nagapalamat sang misa ang mga nakautang sa akón! Tan-awá, tan-awá lamang si P. Dá- maso kon daw anó ang iya pagtambok sang halá lang nga pag- pangakig kag pagpanampà!
Sa pagkatutuo umabot si P. Dámaso, sa panglakát sang isá ka tawo nga matambok, nga nagkulokadlaw apang sa isá ka bagay nga may kalain nga sang makità siá ni Ibarra, nadulà niya ang angót sang iya inoghambal.
Si P. Dámaso ginyaubán, nga may katingala, apang may hayág nga kalipay sang tanán, lwás kay Ibarra. Nagkaon na silá sing mga matam-is kag ang mga alák nga tsampan nagbulokál sa mga kopa.
Ang yuhóm ni P. Dámaso nahimò nga nerbyoso sang makità niya si María Clara nga nagpungkò sa tuó ni Crisóstomo, apang, kumohà sia sing pulungkòan sa luyó sang Alkalde, namangkot siá sa tungâ sang may kahulogán nga paghari sang kalinóng.
-May ginahambalán kamó, mga ginùo? Dayuna ninyo!
-Nag-ininum kamí, — sabát sang Alkalde. -Si Gg. Ibarra nagsambit sang pilá nga nagbulolig sa iya sa inoghalad niya sa tanán nga hilikutón kag naghambal siá nahanungód sang arkitekto, sang ikáw Reberensya...
-Walâ akó makahangóp sang arkitektura, -tublag ni P. Dámaso, apang nagakadlaw ako sa mga arkitekto(4) kag sa mga buángboáng nga nagakaladto sa ila. Yarà, ginhimò ko ang plano sinâ nga simbahan, kag pinatindog sing himpit: amó ang ginsiling sa akon sang isá ka manog-alahas nga inglés nga nagdayon sing isá ka adlaw sa kombento. Sa paghimò sang plano tuman na nga may duhá ikaw ka tudlo sa agtang!(5)
-Apang,- sabát sang Alkalde sang makità niya si Ibarra nga naghipos, -kon nahanungód na sa pilá ka baláy, halimbawà, subong abi sini nga buluthòan, kinahanglan naton ang isa ka ba- tíd...
______________________
(4) Apang nagakadlaw ako sa mga arkitekto - Ang mga hitabo nagapilit sa pari sa paggamit sang iya masarangán sa utok. Ang amó man nga tawo nga sa España nag-uyat sang arado nagahimo sa Filipinas sang dalagko nga mga butang: wala sing natun-an nahanungod sa mga téknika, wela sing na- hibal-an sa mga butang nga syentipiko, nagpatindog sang simbahan, naghimo sang mga dalen kag sang taytay. Ang nahanabo nga ang ila mga pinanghimo mapigaw kag madali nga nagkalaguba.
(5) Tuman na nga may duhá ików ka tudlo sa agtang-Mag-angkon sing nagakaigo nga isip; magpainuino, magpanumdom.
