320
man kami sa talahaon nga ngalan sang alagad sang Imo Taslangdon nga may malaot nga palad...
—O! — Tublag sang Kapitan Heneral nga pinalisb niya ang siya nga iya ginpungkban nga isa sing till nga nagyuhom nga ginkibang, — kon ang tanan, nga alagad sang akon pagkataslangdon kaangay sang iya Reberensya, nga si P. Damaso, pasulabihon ko nga ako na lamang ang mag-alagad sa akon man pagkataslangdon!
Ang mga Reberensya nga ang ila mga lawas pinakunol, amo man ang ila binatyag sa ila mga kalag sa atubangan sini nga pagtublag.
—Pungko kamo mga Reberensya! — Siling niya tapos ang makation nga pagdulog nga iya pinatam-is sing diutay ang iya paningog.
Si Kapitan Tiago nagsulod nga nagprak kag nagtikang nga nagtihin; gin-uyatan niya sa kamot si Maria Clara nga nagsulod nga nagpangduhadoha kag puno sing kahadlok. Wala’y sapayan naghatag sia sing makalilipay kag nagkaanyb nga katahuran.
—Ang dalaga anak bala nimo? — Pamangkot sang Kapitan Heneral nga may paningala.
—Kag sang imo Taslangdon man Heneral!2 —sabat nga maligdong ni Kapitan Tiago.
Naghilitad ang mga mata sang Alkalde kag sang mga kabulig, apang ang Iya Taslangdon nga wala magdula sang iya kaligdong, nagtanyag sang iya kamot sa pamatan-on nga lin-ay kag nagsiling sa iya nga may dala nga pagtahod:
—Malipayon ang mga ginikanan nga may mga anak nga katulad sa imo, gining — Nakasugilanon sila sa akon nahanungod sa imo nga may pagtaha kag may pagdayaw. .. naghandum ako sa pagpakigkita sa imo sa pagpasalamat nahanungod sang matahum nimo nga buhat karon nga adlaw. Nakasayod ako sang tanan, kag kon magsulat ako sa Pangulohan sang Iya Kagamhanan indi ko malipatan ang imo mabinalak-on nga nahimb. Sa karon, pahanugoti ako, gining, nga sa ngalan sang Iya Kagamhanan, ang Hari
(2) Kag sang Imo Taslangdon man Heneral! — Ang pamatasan sang katsila nagasugo nga ang tag-angkon sang isa ka butang dapat maghatag sina sa bisan kay sin-o nga magpangayo sina nga masiling: “Imo ina.” Apang si Kapitan Tiago, sa sini nga bagay, nagpakalakas as am6 nga pamatasan kay sang pangkuton sia sang Kapitan Heneral kon si Maria Clara iya anak, nagsabat sia nga ang iya anak, anak man sang Iya Taslangdon nga Kapitan Heneral.
