- 321
nga ginatiglawasanan ko diri kag nagahigugma sang kahidaitan
kag kalinong sang iya mainunungon nga mga ginsakpan, kag sa
ngalan ko man, kag sa iya man sang isa ka amay nga may mga
anak man nga may kasubong nga panuigon sa imo, ihatag ko sa
imo ang labing’ mabinatyagon nga mga pagpasalamat kag ginahingyb ko nga hatagan ka sing isa ka tumbas nga bayad.
—Ginuo. ..! — Sabat ni Maria Clara nga nagkurog.
Ginpainuino sang Iya Taslangdon ang iya buot isiling kag magsabat:
—Labing’ maayo, gining, nga ikaw malipayon sa imo ipalatugsiling kag sa pagdayaw sang imo mga kasimanwa; nga amo ang labing’ maayo nga padya, kag kami indi na dapat nga magpangayb pa sing maglabi. Apang indi ko ikaw pagdumilian sang isa ka matahum nga kahigayunan sa pagpatan-aw nga kon ang Hustisva makahibalo magsilot, makahibalo man magpadya kag sa dalayon indi kay bulag.
Ang tanan nga tinaga nga pinahilay lunsay ginmitlang sa isa ka bagay nga ginpatalupangdan kag sa tingog nga mabaskog.
—Si Gg. Don Juan Crisostomo Ibarra nagahulat sang mga sugo sang Imo Taslangdon! — Siling sang kabulig sa tingog nga mabaskog.
Nagpalangurog si Maria Clara.
—A! — Hambal nga may kakunyag sang Kapitan Heneral, — pahanugoti ako, gining, nga ipahayag ko ang akon handum sa pagpakigkita liwat sa imo sa wala pa ako makahalin sa sini nga banwa: may ihambal pa ako sa imo nga mga butang nga malahalon. Gg. Alkalde, updan mo ako sa pagdayandayan nga luyag ko maglakat lamang, tapos ako makapakigsugilanon nga isa lamang kay Gg. Ibarra!
—Pahanugotan kami sang Iya Taslangdon sa pagpatalupangod sa iya, — siling ni P. Salvi nga may pagpailob, — nga si Gg. Ibarra sinikway sang simbahan...
Pinunggan sia sang Iya Taslangdon nga nagsiling:
—Nalipay gid ako nga wala ak6 sing pangasubban Iwas lamang sang kahimtangan ni P. Damaso, nga nahanungod sa iya tunay ko ginahandum ang iya bug-os nga pag-ayo, kay sa iya panuigon ang pagpanakayon pa España nahanungod sa iya lawas indi mangin-maayo. Apang ini yara lamang sa iya... kag sa karon tipi-
