326
himusa ang imo maleta kag mag-upod ka sa akon sa Europa; ang
panahon didto magapahamtang sa imo sing maayo.
—Ang handumanan sang pagkaalwan sang lya Taslangdon tipigan ko samtang ako buhi! — sabat ni Ibarra nga natandog sing diutay. — Apang dapat ak6 magpuyo sa pungsod diin man nakapuyo ang akon mga ginikanan...
—Kon diin sila napatay, amo ang pat-od nimo nga isiling! Patiha ako, ayhan nakilai-an ko ang imo pungsod labi sangsa imo... A! Karon nadumdoman ko, — hambal niya nga ginliwat niya ang sugilanon. — Mapakasal ka sa isa ka makailila nga pamatan-on nga dalaga, kag ginaawat ko ikaw diri! Kadto ka, kadto ka sa iya luyo kag sa dak6 nga kahilwayan ipadala diri sa akon ang iya amay, — sugpon niya nga nagyuhom. — Indi man ikaw magkalipat, nga luyag ko nga buylogan mo ako sa pagdayandayan.
Si Ibarra nagyaob kag maglakat.
Tinawag sang Iya Taslangdon ang iya kabulig.
—Nalipay ako! — Hambal niya nga pinikpik niya sa abaga, — karon pa lang ak6 makakita kon ano ang mangin-maayo nga katsila nga indi magbiya sa pagkamaayo nga pilipinhon kag maghigugma sa iya pungsod; karon nakapakilala ako sa katapusan sa mga reberensya nga indi kamo tanan hampanganan nila: ini nga pamatan-on naghatag sa akon sing kahigayunan kag sa madali mahusay ko ang tanan ko nga utang sa prayle! Masubo nga ina nga pamatan-on sa pila adlaw . . . apang tawga ang Alkalde. Ini pumakita gilayon. —Gg. Alkalde, — hambal niya sang ini sumulod, — agud malikawan ang pagsulit sang mga talan-aivon subong sang imo nasasihan kaina sang udto mga talan-awon nga ginakasub-an ko kay nagapabahuya sa Pangulohan kag sa tanan nga katsila, ginapahanugot ko ang pagtugyan sa imo sing tutuo kay Gg. Ibarra, nga indi lamang nga buligan mo sia sang mga kalalangan sa pagpadayon sang iya mabinanwahanon nga mga tinutuyb, kundi likawan man nga sa ulihe sablagan sia sang maskin sin-o nga mga tawo sa maskin ano man nga kabangdanan.
Nahangpan sang Alkalde ang pagsabdong kag nagduko sa pagtagb sang iya kahuya.
—Isiling man ang amo nga butang sa alperes nga diri nagamandb ang bahin, kag usisaa kon matuod nga ini nga ginuo may mga butang nga ginahimb sa iya kaugalingon nga wala ginasugo
