NGAA MAN NGA NATAKPAN ang mga bintana sang
balay sang alperes? Diin sila, samtang nagligad ang prosesyon,
ang lalakin-on nga nawong kag ang bayii nga pranela sang Isbing
sang gwardya sibil? Nakahangop bala si Donya Consolacion nga
malaw-ay ang iya agtang nga pinakunot sang dalagkb nga mga
ugat, nga daw ginlatayan, indi sang dugo kundi sang langgaw
kag sang duga sang apdo; ang daku nga tabakb, angay nga puni
sang iya mapulapola nga mga bibig kag ang iya maimon nga panulok, kag, nagpaabuyon sa isa ka bilidhon nga balatyagon, indt
sia maluyag magtublag sa iya makasiligni nga pagpakita sang mga
kinasadya sang kadam-an?
Ay! Sa iya ang bilidhon nga mga balatyagon nagluntad sa panuigon nga bulawan!
Ang balay masubo kay ang banwa nagakalipay, suno sa hambal ni Sinang; wala sing bisan parol ukon mga hayahay. Kon abi ang manogbantay wala pagpakadto-pakari sa atubangan sang ganhaan, sarang masiling nga ang balay wala ginapuy-i.
Isa ka nagkipawkipaw nga suga naghatag kasanag sa wala mahusay nga kadak-an kag nagpasihang sang mahigkb nga mga bintana nga lampirong diin nagkupkop ang mga lawa kag, ginlayunan sing yab-ok. Ang ginang, sa batasan nga nagpasampaw sang iya mga kamot, nagtulog sa isa ka masangkad nga silyon. Nagpanapot sia nga amo man gihapon sa tanan nga adlaw, sa isa ka pulong, malain kag makangilil-ad: Ginputos ang iya ulo sing panyu nga naggwa ang iya magagming kag malip-ot nga buhok nga gumon; ang nga bayu pranela nga asul, nga nasampaw sa isa nga dapat mangin puti, kag isa ka palda nga ugis nga nagpahurma sang iya maniwang kag kulpa nga mga paa nga iya ginsampaw kag nagkurog nga daw gintakigan. Gikan sa iya baba iya ginpahubot ang mga asu nga iya ginbuga sing pasapayan sa taliwala diin sia nagtulok kon buksan niya ang iya mga mata. Kon sa amo
