340
sugilanon, wala na sia sing ginhambal nga isa ka pulong: kundi
nabuyo sia kaayo sa hambal nga inapa, kag sa sini nga bagay pinili
niya ang labing’ magahod kag makapililas, nga makahatag sing
dakfl nga libog sa tagpatok sang Volapuk.5
Gani, nga si Sisa, may kapalaran nga wala makahangop sa iya. Amat-amat niya nga dinula ang pagsampok sang iya mga kilay, isa ka yuhom sa kaayawan pumasanag sang iya nawong: sa wala’y duhbdoha indi na sia makahibalo sang tinagalog, isa na sia ka orofea.
—Suloguon, singgana sia sa tinagalog nga mag-amba! Wala sia makahangop sa akon, indi makahibalo sang kinatsila!
Ang buang nakahangop sa suloguon kag nag-amba sia sang ambahanon sa kagab-ihon.
Si Donya Consolation namati anay nga nagyuhom nga may pagyubit, apang ang yuhom amat-amat nga nadula sa iya mga bi big, namati, sang ulihe nagligdong kag nagpadalum sang iya hunahona. Ang tingog, ang kahulogan sang mga binalaybay kag ang ambahanon gid man nakabuyok sang iya igtalupangod: yadto’ng tagipusuon nga mamala nahumog gilayon sing luha. Nahangpan niya sing maayo ini nga ambahanon: “Ang kamingaw, ang katugnaw kag ang kahun-og nga nagtunton halin sa langit nga pinutos sang lambong sang gab-i,” suno sa kundiman, ginbatyag niya nga daw tumunton man sa iya tagipusuon. “Ang bulak nga nahulog kag nalaya nga, sa sulod sang isa ka adlaw nagpakita sang iya kadayawan nga naghandum sang pagpamalakpak kag punb sing dayaw, pagtunton sang kahapunanon, naghinulsol kag naghinakit, maninguha sia sa pagbatak sang iya huyos nga mga sinipad sa la ngit, nga mangayb sing diutay nga landong sa pagpanagb kag mapatay nga indi pagyagutaon sang kasanag nga nakakita sa iya sadto sa tinion sang iya kadayawan, nga indi niya makita ang iya pagpabugal, kag mangayb sing diutay man nga tun-og nga maghibi sa iya. Ang pispis sang kagab-ihon bumiya sa iya naligwin nga puloy-an, ang giha sang dumaan nga kahoy, nagatublag sang ka mingaw sang mga kagulangan... ”
—Ayaw, ayaw na pag-amba! — Pamugong sang alperesa sa himpit nga tinagalog nga tumindog nga indi mahamtang. — Ayaw ka pag-amba! Nagahalit sa akon ina nga mga binalaybay.
(5) Volapuk — Hambal sa palatikangs;an nga gingamit sa bug-os nga kalibutan nga ginpatok sang propesor nga suiso, J. M. Schleyer sang 1885. Apang sang ulihe wala na ini paggamita.
