354
ma! Ginpanan-aw niya si Crisostomo nga nagkalungkong sa iya
mga butkon kay Maria Clara nga nalipong, kag nadula sa kadudolman.
Nanaog sia nga nagdagandan nga wala sing kalu, wala sing baston, kag katulad sang buang pumadayon sa plasa.
Didto nakita niya ang mga katsila nga nagbasol sa mga sol dado, tinulok niya ang mga pulungkban nga ginlingkuran nanday Maria Clara kag sang iya mga abyan nga babae kag nakita niya nga wala na sila.
—Padre Kura! Padre Kura! — Singgit sa iya sang mga kat sila, apang wala sia magsapak sa ila kag dumalagan pakadto sa balay ni Kapitan Tiago. Didto nakaginhawa sia: nakita niya sa masihag nga kumbong ang isa ka landong sang isa ka babae, ang nahamuotan niya nga landong, napunb sing kagayunan kag mahinhin nga mga kulod ni Maria Clara, subong man sang iya tiya nga nagdala sa iya sing mga tasa kag mga kopa.
—A! — Kibot niya, — daw sa nagpamulomasakit lamang sia!
Tinakpan sang ulihe ni tiya Isabel ang may mga lampirong nga mga bintana, kag ang makailila nga landong indi na makita. Ang kura humalin sa amo nga duog nga wala na magtan-aw sang madamb nga tawo. Yara sa atubangan sang iya mga mata ang isa ka magayon nga katunga sang lawas sang isa ka lin-ay, nga naghigda kag nagginhawa sing matam-is; ang iya mga kalimutaw ginpayungan sang iya malagba nga mga amimilok nga naghalawod sing mahamis katulad sang ila sang mga Birhen ni Rafael (3) ang diutay niya nga baba nagyuhom; yadto tanan nga dagway may ban hay sang pagka-langitnon, pudi, wala’y dagta; yadto nga nawong isa ka dugusnon nga larawan sa tunga sang maputi nga hapin sang iya hiligdaan, katulad sang ulo sang anghel sa tunga sang maputi nga mga panganod.
Ang iya handurawan nagpadayon nga iya gintan-aw ang iban pa nga mga butang . . . labot pa sin-o ang makasulat sang tanan nga mahanduraw sang isa ka mainit nga utok?
Ayhan ang tinugyanan sang pamantalaan, naghingapos sang iya kasaysayan sang pandot kag sang tanan nga nagkahanabb sa masunod nga paagi:
(3) Mga Birhen ni Rafael — Si Rafael Sanzio de Urbino, pintor nga tinun-an sang buluthoan nga romanhon, nangin wala’y kamatayon ang iya kabantugan tungod sang lapnag nga pagkilala sang mga dinuagan niya nga Madonna ukon mga Birhen, nga am6 ang nangin huwaran sa maragtas sang Arte sa pagpangduag.
